更年期可否從驗血中得知?

驗血係唔可以知道妳是否"進入更年期",只可以肯定"更年期已經完成".

我首先解釋比妳聽驗血究竟係想驗啲乜嘢, 驗血目的係想驗出血液入面有兩種賀已蒙follicle-stimulating hormone (FSH), 同埋luteinizing hormone (LH), 呢兩種賀己蒙係由大腦發放通知卵巢排卵, 當更年期完成之後卵巢停止排卵, 而大腦發覺卵巢沒有進行排卵過程; 大腦便會發放更多賀已蒙催促排卵, 因為大腦係唔知卵巢已經停止工作, 而繼續排放賀已蒙, 引致血液中嘅嘅FSH, LH讀數上升, 當呢兩個讀數超過某個指標嘅時候, 醫學上就証實更年期已完成.

所以卵巢一日唔正式停止排卵, 血液中嘅FSH 同 LH 都會有高有低, 醫生只可以估排卵系統有異常, 但係唔可以叫妳所講嘅"進入更年期".

更年期開始期間都有幾樣嘢可以睇到, 例如經期唔準, 潮熱, 失眠, 都係更年期先兆.