第一次去台灣 (自由行)

1. 平機票你可以留意下航空公司的網站,好似之前,港龍,國泰,中華都有做特價,所以我都訂定在5月尾去台灣的機票,你可以再留言下航空公司網站,睇下佢幾時會再做特價啦
如果訂唔到特價機票,6月都仲係旅遊淡季,機票(港龍)大概係$1450~唔連稅,加埋稅大概係$1851,長榮 / 中華會有d平幾百蚊的機票,當然航班時間冇港龍咁好啦

2. 新驛會比較full喇,因為平,靚,位置正,新尚會好少少,因為佢個位置唔算好方便, 如果想要訂新驛的話,早1.5-2個月訂會安全d
加床入去我諗會難d,因為佢地d房好細,2個人住都係剛剛好呢

其他新&平的飯店,你可以參考下呢幾間:
大順大飯店: http://www.tshotel.com.tw/

寶格利時尚旅館: http://www.burgaryhotel.com/

福泰桔子商旅酒店: http://orangeone.forte-hotel.net/newsdetail.php?newsid=284&type=3

3. package同自己訂的價錢唔會差好多,買package的話當然可以自己揀酒店啦,不過要睇你間旅行社有冇代理你想住的酒店先得
去旅行社買package的話,可能會要你等好耐,因為佢地成日都話要等機票,飯店confirm,有時要你等成個星期都唔知你想book的飯店book唔book到,但係自己上網訂的話就唔會,有冇房基本上一眼就睇到,唔使左等右等,買package的話,可以去旺角銀行中心睇下,果到有好多大大小小的旅行社

4.落機之後去九份就要先從機場坐客運去台北車站,然後係台北車站坐火車到瑞芳(40-50mins), 係瑞芳再轉的士 / 客運上九份
民宿你可以參考下我之前去九份時住的市下巷民宿
個老闆好好人架,d房又靚

九份民宿 市下巷民宿:
http://timooo888.myweb.hinet.net/

http://tw.myblog.yahoo.com/jw!jyzyo2OGGRp2hhhaZdjoq8U-/
雅虎部落格BLOG~

其實如果可以的話,最好就唔好第1日上九份,因為要拖住d行李,而且落機之後去到九份都可能3點,未必夠時間玩平溪線景點,所以建議你改第2日去啦

5.悠遊卡坐捷運會有8折優惠,用唔完亦都可以退錢,但就唔係所有交通工具都用得,好似坐火車就唔用得喇

你可以參考下我呢個5天行程,有問題可以send email俾我:
[email protected]

5天行程參考:
day 1: 香港- 台北- 飯店check in -- 淡水 (沿公明街,中正路(淡水老街)一帶遊覽,買手信)-- 紅毛城-- 情人橋,漁人碼頭睇日落-- 乘坐公車紅26回淡水捷運站-- 捷運劍潭站乘坐免費專車(劍潭站1號出口右方)到美麗華百樂園(摩天輪)-- 免費專車回劍潭站-- 士林夜市(劍潭站對面)-- 飯店

day 2: 六福村(可乘坐來往台北至六福村的台聯客運 http://ord.e-go.com.tw/aps07.htm )-- 台聯客運住台北的巴士於忠孝敦化捷運站下車後在東區shopping(東區地下街, 微風廣場, 太平洋Sogo等)-- 24小時誠品敦南店-- 飯店

day 3: 袖珍博物館(捷運南京東路站步行約15分鐘) -- 捷運市政府站下車後到信義區shopping (新光三越, New York New York, Neo 19, 華納威秀影城, 誠品信義旗艦店等)-- 台北101觀景台 -- 五分埔 -- 饒河街夜市-- 飯店

day 4 : 先把行李寄存於飯店內-- 台北車站坐火車到瑞芳-- 平溪小火車(菁桐鐵道故事館, 十分瀑布, 十分老街, 平溪放天燈等)-- 瑞芳-- 九份老街-- 基隆夜市-- 宿九份, 特別推薦九份市下巷民宿(櫻野3+1拍攝現場)

*可於瑞芳站購買平溪線一日週遊卷, NT $54, 一日內無限次於平溪線各站上落*
順帶一提, 九份李儀餅店的太陽餅及鳳梨酥味道一流, 可買作手信

day 5: 九份-- 金瓜石(黃金博物園區 — 環境館, 太子賓館, 黃金博物館)-- 瑞芳坐火車回台北車站(或於金瓜石乘坐基隆客運到捷運忠孝復興站) -- 捷運西門站下車後先到紅樓劇場,然後再於西門町一帶shopping+買手信-- 回飯店拿行李-- 坐巴士到機場

你亦都可以參考下我暑假時去台灣的遊記:
http://www.travellife.org/thread-22201-1-1.html

toyfireman 你就好啦, 我4月尾去, 3月頭book cityinn都full 左

我四月尾都會去台北自由行~ 以下係我親身訂機票同酒店既經驗 ! 希望幫到你吖
1. 通常我會留意有冇機票公司promtion。例如我訂國泰prom既$990來回台北~~ 仲平過中華，不過我唔提意因平而坐中華，始終人命最重要～ 現在星晨旅遊台北 $1030 http://hk.deals.travelzoo.com/taipei/371775
2. 我四月尾去，三月尾便book新驛~ 下網自己訂真係平好多~ 我而家訂都係$380港幣一晚~ 不過要旅行社訂要成$500至$600港幣一晚.....不如自己訂啦~ 即時CONFIRM......不過都係要買左機票先~ confirm時間。直接自己訂吧----> http://www.gocityinn.com/
3 自己book 一定平少少~ 好似我咁 plan 5D4N 都係每人總數$2200 (已計了機場稅及燃油附加費) 如果你四個人一定平過我兩個人去.........呢個價錢想買 Package 三日都買唔到~
4. 最好唔使咁急~ 九份, 平溪等地方要一早便搭火車。除非你在那裡住民宿~~ 如果唔係第一日到酒店放行李先~~ 下午到市區行~~ 第二日一早先到 九份, 平溪等地方
以下係我將會到台北的其中一日行程~
早餐時間－－＞台北火車站到瑞芳－－＞轉乘往公車到金瓜石－－＞黃金博物院－－＞九份午膳－－＞搭基隆客運到基隆夜市－－＞基隆夜市(晚餐)－－＞基隆火車站到松山站到饒河夜市－－＞回到旅店
5. 悠遊卡可到捷運站或7-11買到~ 用法同香港百達通相類似。坐捷運、公車都可以用，其中坐捷運仲有8折優惠。以一個站NT$20黎講，悠遊卡就只要NT$16。所以係比較抵用的！要退咪羅返去捷運站退，唔麻煩的........不過要買左起碼三日及要用多過五次以上才可退回訂金~~

1-3 訂閱問題就請其他人高手回答
4.可參閱
金瓜石 九份 水湳洞 一日遊
http://tw.knowledge.yahoo.com/question/question?qid=1008022204716

金瓜石 九份 水湳洞 一日遊 (夜晚至基隆夜市)
http://tw.knowledge.yahoo.com/question/question?qid=1008022602829

金瓜石 九份 水湳洞 猴硐 二日遊 (夜宿金瓜石民宿)
http://tw.knowledge.yahoo.com/question/question?qid=1008022103108

2008-03-14 15:04:19 補充：
5.若退悠遊卡會退還押金及餘額!
但是若使用低於5次需收20元,若使用次數超過5次則免收手續費!!

與八達通不同有時間限制!

悠遊卡就算當天購買也可以退! 限制是次數, 與八達通是限制時間不同!