食環署的扣分制問題

食環署有2種計分制度。
一種是記分制, 即係你本來係0分, 每衰一次記根據你犯的事項加分, 有記3分, 5分, 10分不等, 犯的事項越嚴重, 所加的分越多。6個月內加滿15分就停牌7日, 等2次就停14日。
如果6個月內重犯相同野就扣雙倍分。但係D分會起6個月後自動抹左去。
假設1月份等一次衰左樣3分野, 咪被食環署加左3分, 2月又衰同樣野, 就會被食環署加左6分。依家將第一次既3分加第二次既6分, 總共被人記左9分喇。 過左6 個月後, 即係7月時,你一次既3分夠期抹走, 就變回6分 (9-3=6), 過多個月你第二次既6分又夠期抹走(6-6=0), 咪變回0。
但係呢種記分制就唔會有張Form俾食環署剔, 食環署會正式出信俾你, 要你又上庭又剩, 唔會係簡簡單單咁用Form計數。
如果話用Form呢, 食環署同時又有另一種用Form計數既, 就係計算你間舖頭既風險程度。 分第一,二,三類風險, 睇下幾耐去巡你間舖一次。
佢地會有張form放起你間舖度, 有好鬼多項野要睇, 每次巡時如果Pass就 (/), 衰左就(O);, 衰得越多, 風險越高, 巡得越密。無話幾多分會滿既。
兩種都係食環署既野, 但就係兩件唔同既事, 要攪清楚唔好混淆呢。
資料提供:
akay4