應否分手? 請大家比d意見

和男友一起四年,
起初感情不錯,
迎半年感情變得很淡,
他可一整天都不給我一個電話(都常有發生),
到我睡前給他電話, 說笑問他是否已把我忘了,
他會說剛想打給我, 或是怕我已睡了, 所以不打比我 (試過幾次也是這樣說)
試過幾次去街到晚上11點幾12點, 佢都不會送我回家, (其實已很久沒送我回家了) 也不會打比我問我番到屋企未, 也沒有send msg給我看看我已安全回家
有一次, 我講番呢樣野比佢聽, 問佢會否擔心我的安全, 至少也應該有一個msg吧, 之後另外一次去街, 都是不開心的, 因佢之前約我去360, 但只係約左日子, 未約時間, 但直至去360既前一晚, 什至第二朝, 佢都未有講幾點去, 我忍不住這種態度, 早上11點幾問佢係咪去 (係我主動打比佢, 如果唔係我都唔知果日究竟係去定係唔去), 佢就話去行下, 但唔食齊勒 (之前係我話想食齊) 其實360我已經同屋企人去過, 佢未去過, 今次只係陪佢去, 果日咁晏都未出發, 都冇心去既, 個問題係我覺得佢唔重視我 ….
其實我希望可以增加我地既感情,
之前佢講過話泰國佢都有興趣去, 所以我先問佢有冇興趣去泰國玩,
佢竟說對泰國的興趣不大, 如果去就去別處, 但就沒再提議去那裡
試過幾次，在等ｍｔｒ或在家，　我借故把身體挨近佢，　佢都唔會主動攬住我，　
什至沒有任何反應，雙手仍然是垂直放下，　咁我只好企開，　沒再靠近佢．．．
每次佢都可以當冇事咁，　
同佢一起越來越唔開心，　想男友對我重視一點，　只是打個電話比我都咁困難　？
繼唔繼續同佢一齊，　我爭扎左好耐，我地之間冇第三者，　我究竟，　好唔好再繼續同佢一齊呢？
之前都試過諗過呢個問題，　但每次都在呃自己，　以為同佢講左我唔開心既地方，　情況可能會有改善，所以我都唔捨得同佢分手，　因為４年的感情都不短呀，　當中我地都有好多開心既地方　．．．
但今次，如果真係決定同佢分開，可能都會是真的了，因已開始心淡．．．
請各位比ｄ意見我啦　．．．