我咁樣算唔算俾人排斥?

我本身同4個fd好好朋友..

其中一個特別fd..佢成日都會send message俾我..
我開MSN時佢又會搵我傾計..
基本上除左訓覺之外佢都會搵我傾計..

就算課室坐位..佢都係坐我旁邊..

但因為咁親近....我漸漸唔想同佢講野
因為對得太多..話題都會盡..


直至最近..佢成日同另外0個3個fd係課室度成日一齊玩..唔理我..
但同我一齊坐時又會係咁同我傾計..
到lunch時又唔多理我...
慢慢連另外個3個都唔多理我..
但係放學之後仍然係咁send message黎..

呢排..放學時已經盡量自己一個放..
因為同佢地放..佢地都唔多睬我...同我自己一個人行冇分別..

我問過佢地係咪我有問題..
一個話我應該多D參加佢地既話題..
一個話我成日send message(其實係因為佢地唔理我之後先send message +電話)..
2個話我冇事..


就連班上面其他人都話我最近講野少左..
(即係冇同佢地玩咁多之後..)

你地覺得我係咪俾人排斥?
我又應該點做先好?
我有試過融入佢地..但係我講野時佢地當聽唔到唔應我..
我唔問佢地就唔出聲..佢地4個自己係度玩..

好難挨..好難受..