新手電單車　既問題．（１０點）

見無咩人回應, 小弟答下希望可以幫到你.
你等考到電單車牌再慢慢諗買車都未遲, 可以借朋友車試下. 免得買錯車後悔.
GZ150係大陸造既 150CC 車仔. CHOPPER款, 長期行高速公路就吃力D. 細CC CHOPPER 上斜又係吃力D. 如果買CHOPPER 至少250CC 會好D. 如果將來考到P牌, 最好出部二手棍波車操下先. 出部150CC包你好快換車. 預一萬蚊BUDGET 似乎少D, 只可買部殘車, 整到你叫救命. 新牌無經驗, 如果架車在惡劣環境跪低(如高流量高速公路) 非常危險. 不如無好買垃圾, 操完一年換車時賣出去都可以收返多少. 睇你鍾意咩款, 街車 250CC 有 CB250, GN250, CHOPPER 都有好多250CC既. 將來賣出來, 有人要既.
二手買賣 :
1) 揀車, 打電話約車主睇車.
(2) 帶頭盔, 搵個有經驗有正式牌既friend 一起去睇車, 見到車主,先要求睇牌薄証明無花無假. 由於燕梳/抄車風險問題, 車主未必比你試車, 可能車你行幾圈, 或者比你個friend 抯架行幾圈. 如果3rd保/行車証過期, 出唔到街, 可能tar著副引擎, 比你聽下聲.
(3) 試架車性能ok, 決定買. 同佢傾下價錢, 講清楚包什麼配件
(4)價錢ok, 寫張買賣合約, 寫明買家/車主姓名/ID NO./車型/配件/價錢/轉名日期, 轉名前告票抄牌由車主負責.
(5) 一般唔使落訂, 如果你非常志在必得, 可以落訂, 要收據, 車主就唔可以賣給第2個.
(6) 同車主要牌薄COPY搞3rd 保燕梳. 約幾時一起去轉名.
(7)轉名日最好叫多個friend一起去, 叫車主泊架車去運輸處附近車位. 帶頭盔,燕梳3保, 錢去泊車位, check清楚性能(起碼要tar得著), 配件, 外觀, 車架/引擎編號. 叫個friend 睇住架車,然後同車主一起去運輸處轉名. 未轉到名之前都唔好磅水.
(8) 轉名費通常買家比, 搞好晒手續後, 攞到新牌薄, 應該要比錢舊車主, 攞返全部車匙. 通常現金交易, 如果金額大可以傾銀行轉帳, 接受與否係買賣雙方問題.
(9) 攞車再去油站入油...
http://steve-at-atstuno.blogspot.com