日出與日落的陽光亮度差別?

亮度就算一樣, 眼睛適應都可以唔一樣. 呢題係生物題哪!
有冇睇過日場電影? 大白天行入一間戲院, 就算未熄燈放映, 都會覺得暗. 完場時走出戲院, 都會覺得陽光刺眼.
日出前, 眼睛適應黑暗環境, 瞳孔放大. 當太陽出來, 瞳孔收唔切,大量光線射入眼球 咪刺眼囉. 相反, 日間瞳孔係收縮住既, 當日落時就算亮度同日出相同, 直視都唔會有太大量光線入到眼球, 咪自然好多囉.
唔信試下, 日落前去睇場戲, 出來時個夕陽都可以好耀眼.

2008-03-22 12:26:54 補充：
正午同早晚既太陽位置不同, 所以入射角度不同.
正午是由頭頂晒下來, 和地平面成90度角, 穿透的大氣層的距離最短, 所以消耗掉的能量最少.
而夕陽.朝陽是斜斜的, 離地面有30度或更少, 太陽光需要穿透的大氣層便厚得多. 途中被氣體同塵埃吸收/折射, 大大損耗能量, 特別係綠色, 藍色以上既光譜反射最大, 所以太空外見到大氣層係藍色既, http://en.wikipedia.org/wiki/Image:Top_of_Atmosphere.jpg 而地面上睇夕陽同朝陽係紅紅地色[因為少左藍光], 而整體亮度亦比正午為低.