✔ 最佳答案
幫狗狗沖涼一定要幫佢耳仔塞棉花,唔好比佢耳仔入水,無論咩天氣都應該用暖水沖涼,水溫要岩,太熱太凍都唔得。如果你要試水溫的話用手踭試,手踭試水溫係最好的,因為手掌的溫度最易起變化,比較易影響我地對水冷熱的感覺。你幫佢洗頭時頭微微向上(但唔好太高,太高的話狗狗會唔中意,會反抗))但要將佢耳仔向下"禁"住,咁樣就算有水淋到d水都可以唔洗怕入哂耳。我自己的方法是右手拎花灑,用左手中指及大姆指"禁"佢耳仔,洗頭時花灑盡量貼緊佢皮膚,你隻手"禁"緊耳仔時就算有水洗頭都唔怕的,因你隻手都會隔一隔到水,當然你也要用你的方法去用手隔著,減少水流哂去佢面到。記住一定唔好整到鼻同耳仔。狗係靠嗅覺的,鼻一定要好好保護。
希望幫到你啦^^
2008-03-13 19:40:15 補充:
沖完涼時要用毛巾幫佢抺身,然後立刻用風機幫佢吹乾,以色冷親佢。
用毛巾幫佢抺身時,可以先將毛巾遮蓋著佢個頭先抺身,咁樣可以避免佢狂"fing"個身而整濕你^^
另外你亦可以因應番你狗狗的需要而用一些特別功效的沖涼液。我狗狗用緊蘆薈,係獸醫診所買的,因為佢皮膚比較敏感~你也可以去睇下你狗狗有冇特別需要d咩啦!
祝狗狗健健康康!