有關幾個染髮問題??

在講染髮程序之前，先解釋一下你的疑問。染髮前可以沖涼同洗頭，是沒有問題的。染髮後亦不需等兩日才可以洗頭，亦可以立即沖涼。染了髮之後,可以日日洗頭，至於顏色可以keep幾耐主要是取決於顏色的深淺，若果染黑色或自然深棕等就可以保持耐些，至少一兩個月啦；假如染淺色就會快少少褪色，但要記著若果頭髮本身是很黑的話，淺色染髮劑會較難上色呢！

其實自己染髮好簡單，首先去屈臣氏或者萬寧買喜好顏色的染髮劑，那裡有很多品牌，例如係露華濃等等都只是幾拾蚊左右，最好順便買埋澳寶一分鐘護髮焗油，因為貪佢價錢平而功效強哦。

首先洗淨頭髮，再吹乾。染之前為免出晒界或弄髒衣物及皮膚，所以最好先用膠布等物圍在膊頭，再用凡士林或潤膚膏塗在頭髮邊的皮膚上以防染出界(不過切勿沾到頭髮上，因為會唔上色的。)

通常染髮劑會有兩支，一支顏料，一支雙氧，只需根據頭髮長度各擠出相同的份量混和，之後就可以開始染髮。將混合物均勻地塗在全部頭髮上(不過染頭髮邊時小心出界)，之後便要等頭髮變色，大約十五至二十分鐘左右啦，時間越久顏色就越深。

夠鐘後就預備洗頭，在正式洗之前先用少少水捽捽髮邊，因為這樣做可以將出界的顏色洗掉，之後就可以正式洗頭。通常每盒染髮劑內都有一支幾好的護髮素，最好用埋佢。

洗完頭後如果還有出界情況，可以用少量洗甲水抹乾淨，那就大功告成。以後洗頭時記得將上述的澳寶一分鐘護髮焗油當護髮素用，真係一分鐘就得！說話講晒喇，祝你好運啦！

染髮同沖涼是兩樣不同的嘢,我從未聽過染完髮不用沖涼或洗頭,其實即時洗頭都無問題, 顏色KEEP幾耐就看你用的染髮劑的質地, 顏色誇唔誇張就看你工作,若你做時裝,雜誌就不是問題,若你是學生或教師就當然不好

*第一次染髮就須注意你對染髮劑有沒有敏感,你可以先做皮膚測試,將小小染髮劑揸在手背上,看自已有沒有反應*

1) 記得戴手套, 唔係 d 顏色會"食"晒入d手皮膚同指甲到, 另外記得搵保鮮紙包住對耳呀

2) 沖涼當然無問題啦, 至於洗頭我都覺得無問題, 因為去髮型屋染髮佢都係會幫你先洗左頭吹乾左先開始染架

3) 其實染完係一定要洗一次頭,因為有d染髮劑無吸收到留左係頭髮到, 唔沖走佢會甩頭髮架

4) 沖涼係無問題

5) 其實就算有無染髮,如果個頭唔係超級油都可以隔一日洗架,洗少d頭真係可以keep到d顏色耐少少既, 至於keep幾耐要睇返你既髮質同埋染既係咩color, 通常如果漂左先上色的就會好快甩 (我有朋友漂左之後上紫色,甩到連平日搵手摸個頭, 對手都變成紫色), 如果唔洗漂的話,顏色會襟好多, 會keep到起碼半年以上

6) 紅金好似好怪噃. 一係就淨紅, 仲靚d, 好似千嬅果d

1) 要注意唔好整到眼, 真係整到即刻用水沖。
D混合劑會發熱, 唔使驚。
D混合劑用剩唔好留喺個樽度, 會爆炸, 炸到成屋都係, 我試過。

2) 通常包裝說明都唔使洗頭, 要乾染, 你睇清楚說明書係咪?
沖涼唔關事, 而家係整個頭啫。

3) 染髮後要洗頭沖走D葯水, 之後兩日唔使囉,
不過頂唔順都要洗架啦, 係驚有少少影響效果啫, 好小事。

4) 真係唔關沖唔沖涼事喎, 完全冇影響既, 放心啦,
只要沖涼果陣唔好再整濕頭髮咪得囉。

5) 染髮之後, 最好過兩日先洗頭啦, KEEP幾耐就要睇你髮質喇,
你初初染, 應該唔會好襟架咋,
仲有呀, 其實染髮應該係先嗱白D頭髮先再染,
咁D色先似你預期果隻色架, 如果就咁染, 會偏深色左架,
不過慢慢就會甩色變啡架喇, 因為髮質受損左。

6) 咩色都唔誇張, 最緊要自己接受到, 行出嚟有自信,
如果唔係染完髮縮下縮下, 唔係畀差人查ID就係畀古惑仔逗,
咁就麻煩喇。

##仲有呀, 染髮果陣, 好大機會唔小心染埋塊面, 如果皮膚上左色, 又捽唔甩, 可以用一個叫「色起色」既方法, 就係再撻D混會劑上去染左色既皮膚上, 再用布抹走佢就得架喇。