(急)史納莎攻擊人

你可以試下如果佢再咬你的時候，你向佢說No，然後困佢番入籠，等佢自己思考下。你要比佢知道佢一唔乖咬人時會比人罰，罰就是困係籠冇人理佢，比人孤立。方式但佢乖的時候你要讚下佢或請佢食下野，久而久之佢自己會識選擇應該做d咩唔應該做d咩。狗的天性，玩的就是咬，所以你一定要抽時間每日同佢玩下，如拋下玩具要佢拎番比你，當佢做到時你比d獎勵佢，咁樣可以令佢知道玩的方式並唔係咬人，可以咬的是玩具。而且令佢知道原來咁樣同你玩係岩既，咁樣同你玩你就會讚佢﹑請佢食野。狗既世界其實好簡單，佢做錯你唔洗打佢的，你只要一句No，唔理佢。平時佢乖的時候要讚佢﹑請佢食下野。要比佢知道讚同No既分別。如果以上方法都唔得既，你可以買一個超聲波遙控器，佢一做錯而你控制唔到的你就向著佢按一下，佢一定會停，因為呢個野本身就係用黎防比狗攻擊的，呢個野會發出一d我地聽唔到，但狗會聽到的聲音，價錢$380。但記著只是用來訓練，千萬不要過份依賴而變成虐待佢。


祝狗狗快高長大！

上面說得無錯呀, 小朋友牙癢又好奇, 所以周圍八, 想試試. 你可買些牙骨或玩貝給牠, 如果唔係, 你屋企好多地方會遭殃. 另外, 從幼便要訓練牠, 牠要知道家規, 及你是牠主人, 不可隨便咬你或其他人, 牠現在尚幼可以教, 現在牠可能想和你玩或挑戰緊你的地位, 必定要牠知道誰是莊閒, 很重要的

她重細, 你都可以慢慢教佢, 有時佢哋會牙痕, 所以好鍾意咬嘢, 你可以買一D潔齒骨比佢咬, 其實史納莎是一種好貪玩的狗, 你要花多D時間同佢玩, 令佢的精力耗盡, 那破壞力就會減到最低; 另外, 你可以帶佢去愛護動物協會裡參加一D行為訓練班來改善佢的態度, 這亦會加強你們之間的關係, 以及比佢同其他狗狗玩, 那也是一個好的辦法.