我應該點做好......

　　我今年18,識?個男仔(24),佢好快就話追我,無幾耐又放棄,但有一日又無啦啦追返我,今次我接受左佢同佢一齊(個次係第一次拍拖)

　　但係好快佢就話想同我做,個陣我完全冇諗過要做,於是拒絕左,但佢就話忍唔到頂唔順唔做唔得,於是我唯有分手......

　　但係之後佢又搵返我,話唔會逼我做,只係想我同佢含......不過當時我都係覺得咁樣太快(我地當時都未夠一個月),於是佢把口話無所謂,但佢成兩個禮拜都冇陪我,本來我係諗到佢夜晚又要返工返學,日頭要訓覺,我都算,但係連星期六日佢都好似冇打算陪我,而且莫講話電話,我地平時聯絡都係靠msn咋,我忍唔住同佢講,佢就話分手

　　再過左個幾禮拜,佢又搵返我,唔單止應承我唔逼我同佢含呀做呀,而且話會盡量一星期見一次,但點知佢好快就反口,話唔做就分手,於是我地又分左手喇

　　其實我之後都有挽留過,不過自己都無讓步,佢亦都忍唔住話我煩,成日亂諗野,仲話唔想同我一齊返,點知過左幾日佢又搵返我,話只要我唔問埋哂啲無謂問題(佢認為),幫佢解決性需要(唔係做愛),加上我鍾意佢,咁我地一齊返,個晚我都有幫佢解決.......之後我問佢有冇叫過雞,佢話有(超老實),我其實唔介意佢過去係點,但我問佢可唔可以唔再叫,佢竟然話到我再努力啲,修成正果個陣佢就自然唔會去,咁樣我又好無奈話分手喇......

　　點知佢呢幾日搵返我,話會為我改過,而且會盡量陪我(佢話佢平時好多嘢做太攰,唔想吓吓都係出街咁),咁本來我哋都冇事,但係佢話到我下個月生日要破我處,我自己雖然個心都有啲想,但覺得始終一齊唔耐(仲要成日咁唔穩定),想行耐啲睇清對方先(相反佢認為愛情係唔睇時間長短),於是我咪咁同佢講,點知佢話"咁你係咪想自己一個過生日",我忍唔住咪講"你係咪當我免費雞,同我一齊只係想解決性需要",佢"話你點諗咪點諗,唔鍾意咪分手"......

　　講真,其實我係打算等我哋行耐啲先再打算,而佢.......就好冇耐性,仲話為咗我忍得好辛苦,佢話佢同以前個女友都係好少見面,見到好多時都係做(係"做"),佢唔似係玩弄感情0既人,佢個個星期都返教會崇拜,而且話自己真心愛我......但問題係,我第一次拍拖,而且真係鍾意佢,我唔知應唔應該放開呀

　　我應該點做？！