2個月哥基 一直追人咬腳

你可以試下如果佢再咬你的時候，你向佢說No，然後困佢番入籠，等佢自己思考下。你要比佢知道佢一唔乖咬人時會比人罰，罰就是困係籠冇人理佢，比人孤立。但佢乖的時候你要讚下佢或請佢食下野，久而久之佢自己會識選擇應該做d咩唔應該做d咩。狗的天性，玩的方式就是咬，所以你一定要抽時間每日同佢玩下，如拋下玩具要佢拎番比你，當佢做到時你比d獎勵佢，咁樣可以令佢知道玩的方式並唔係咬人，可以咬的是玩具。而且令佢知道原來咁樣同你玩係岩既，咁樣同你玩你就會讚佢﹑請佢食野。狗既世界其實好簡單，佢做你唔洗打佢的，你只要一句No，唔理佢。平時佢乖的時候要讚佢﹑請佢食下野。要比佢知道讚同No既分別。如果以上方法都唔得既，你可以買一個超聲波遙控器，佢一做錯而你控制唔到的你就向著佢按一下，佢一定會停，因為呢個野會發出一d我地聽唔到，但狗會聽到的聲音，價錢$380。但記著只是用來訓練，千萬不要過份依賴而變成虐待佢。
祝狗狗快高長大！

狗bb基本就係好奇,你有無放狗呀,若無嘅話要開始放喇,我隻臘腸仔,細嘅時候都好百厭,因為bb有無窮精力,你每日放兩次,相信佢好快就乖架喇,哥基唔使俾人train呀,慳返d錢買零食俾狗仔仲好啦,落街一定要拖繩呀,小心照顧狗狗呀.^^