住院保險一問 (保費可退回)

的確好吸引。
買呢類保証全數收得番錢的保險有幾樣野要特別留意。
1 全期保費
$1200 x 12個月 x 10年 = $144,000 （哇！好多錢）
2 中途無錢供會有乜後果
你都知拉，10年可以發生好多事，例如失業，結婚，買樓，生仔等，如果真係供唔到，條數點計先，會唔會比人扣好多錢先。
3 如果佢地營運得唔好，係唔係淨係收得番本金？佢地有冇講到有保証紅利，定係估計紅利？

如果你有10萬，又可以擺10年，介紹另一個好plan 比你。
滙豐銀行做緊，名唔係好記得。
特點
1 一次過開基金戶口，大約10萬，做10年
2 供滿5年，保証收番本金10萬另加5%保證回報（即係收番$105%），如當時基價格高於此數，收最高個數。
3 供滿10年，保証收番本金10萬另加20%保證回報（即係收番$120%）。如果在10年內，邊個日子你既戶口金額最高，而且又高過120%，就比最高個數你。
4 頭5年斷單，要額外收費，只係幾個%，而且沒有5%保證，跟當時基金價格，尚算合理。
5 第6 or 7（唔係太清楚）至9年斷單，跟當時基金價格，沒有5%保證。
6 詳情你要問滙豐銀行。
以10萬為例，供足10年
$100,000 x 20% = $20,000
你可以計下，呢 $20,000 夠你比幾多年醫療保。
只要基金表現好，在這10年內，高於 $20,000 的回報，你得的更多。
長期保單同基金單都要仔細讀條款，同考慮清楚，不宜操之過急，亦要問清楚中途斷單的後果，呢一部份最重要，好多時sale都係講d唔講d，要自己好小心去睇，去問。

2008-03-13 16:39:29 補充：
我公司做了一個醫療保，包住院，包門診，每個人都唔駛$2,000一年，我地係細公司，得幾個人。
一份個人的純醫療保，應該唔會好貴。無謂比人困死十幾萬拉。

保險是保險，儲蓄是儲蓄。兩件事勉強放在一起是沒有幸福的。
打個比喻︰洗衣機同乾衣機放在同一個身體內，咪會洗又洗得唔乾淨，乾又乾得唔徹底，仲又貴又快壞。
又保又回贈，到期了身體唔好又無得繼續保，病了要賠又賠得唔多，回贈只回保費，又蝕息又蝕潛在回報。
不如好好買個保證續保、固定保費、保終身、實報實銷的住院保險，多了的錢買基金好好投資，實際多了。
宏利Teresa

我想問你買住院保險係着重佢有退回保費抑或幫你找住院費用?再者10年後,你雖然可以攞番哂保費,但已經再買唔到住院或者要俾貴。的先買倒,你會點?
針無两頭利,你要保障就要揀保証續保。既計劃,想10年有回報就買個10年儲蓄計劃重好o
[email protected]

老實講,你所講o既情況其實同比錢佢去投資無咩分別,如果係咁你不如買一份基金,再另外買一份醫療,佢同你講保障年期係十年,相反都等於hold你十年,而且佢唔理你有無claim都會退回保費,但咁都係十年後o既事啦,佢比到o既紅利可能你去投資o既話會多過佢好多都唔定,但係佢紅利多唔多都好,最重要都係佢o既plan好唔好,如果佢個plan係好,無得退番保費都抵,但如果你係因為佢有得退番保費而買咁就真係唔抵喇,至於你問有咩要注意,我相信只係普通o既醫療plan(保障方面),基本上一份醫療最重要o既野---終身續保已經無喇(因為佢得十年),咁已經可以話唔駛講落去架喇,如果你係有興趣想買醫療保險或者知道更多唔同保險o既資料,歡迎隨時聯合絡我,我o既email係[email protected].