我隻倉鼠個鼻凍凍地.係咪病??

A.檢查鼠鼠係咪凍,應該摸下鼠鼠既身體有冇凍,鼻係會有d涼咁既,摸鼠鼠既鼻就要小心,咁好易整到鼠鼠鼻覺得痕痕地,而且一定要確保人既手乾淨,唔係細菌就好易從鼻入侵鼠鼠既身體
從鼻睇到既毛病主要係可以睇返鼠鼠有冇鼻水,有冇打乞嚏,呼吸有冇聲,會唔會呼吸得好快or好慢

B.而鼠鼠唔想郁就唔代表係有bb既,唔知唔想郁既時候係唔係日頭?佢食野又有冇少到?只係話唔想郁實在有好多可能,主要可留意返會唔會係以下既問題:

1)因為鼠鼠係夜間活動日頭訓覺,如果你既作息時間同佢相反,就好易只會見到佢只係食同訓,就算你半夜成日起身,都未必會遇到佢既活動時間

2)天氣特別熱同特別凍,都會令鼠鼠訓得多,留意返個籠放既地方會唔會好凍(雖然而家天氣暖返,但尋日都有網友既鼠下午時凍親),如果佢冇減少佢既食量都唔洗擔心,如果只係訓而冇咩點食野,就可能有唔舒服啦
萬一真係凍親鼠鼠就要留意,野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既.當鼠鼠有好凍,呼吸好慢既情況,就要馬上令鼠鼠慢慢溫暖返(唔可以突然好熱),如果真係都好凍,就要馬上睇醫生了


3)鼠鼠唔舒服都會唔多點郁,咁就要留意返鼠鼠既身體及排泄物有冇異常,睇埋鼠鼠有冇食野,再因應唔同問題盡快處理

4)留意返會唔會同一籠有第隻鼠同一籠,因鼠鼠天生係獨居動物,多過一隻鼠一籠好易出現打交or一隻蝦一隻既情況,咁都好易你秉講既情況,咁就一定要分籠,其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦)

C.倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既,連獸醫都有機會會驗錯
懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥.
2)乳頭會較為明顯.
3)心情煩躁,但兩隻鼠一齊,好多時會有打交既情況,所以冇bb都會咁,所以難分

D.唔知係咪想繁殖鼠鼠?其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶