回答零售業interview的4條問題 (急)

問題一: 你認為你會用幾多時間响一間公司?

答案一:

(首先你要小心! 這條題目明則是好坦誠咁問你會留响間公司做幾耐, 實則是陷阱, 你如果真係俾佢一個時間, 咁你已經唔適合佢間公司啦! 因為任何老闆都好像我以前D女友咁, 想你自動消失o既時候要你自動死開, 但有需要你陪佢o既時候, 就唔想你有半點離開佢o既念頭, 一定要用甜言蜜語氹佢, 我從來冇俾條女問過:「你會用幾多時間响一條女身上」, 即使有, 我都會答:「我溝得你就諗住係永遠」, 雖然個答案唔多真實, 但係如果我真係俾個時間佢, 下一集可能已經係分手戲, 所以如果你話個時間俾個老闆聽「我做夠幾耐幾耐經驗就會出去發展」, 佢會覺得自已係你的利用品, 進而對你冇好感.)

所以, 以下是我建議的答案:

我已經在這一行有3年經驗, 所以我不會像現時剛剛畢業的青少年一樣, 未有固定方向, 左試右試, 我每申請一個職位, 都已經考量過自已是相當適合和能投入才申請的, 倘若我能夠成功入職, 我跟本冇考慮過要幾時要走.


問題二: 你需要公司俾幾多時間你先知道你自已適唔適應+適合公司?

答案二:

(E條你可以俾出時間, E個老闆好清楚知道新人因不適應而離開的機會難以避免, 但係最好唔好訓練咗之後先離開, 佢係想考慮你會唔會做得兩個月突然間話走, 浪費佢兩個月訓練你的人力資源和時間, 所以E個時間係越短越好, 但係你要答一個短之餘而又合理o既時間, 否則佢會覺得你判斷力有問題)

以下是我的建議答案:

十日, 十日時間足以認識公司內部文化, 公司要求, 同事和上司的關係能否有良性發展.

問題三: 你可以俾到咩公司?

答案三:

(E條問題係俾個機會你盡show你的長處, 而這些長處能令公司得到什麼利益, 但係你有咩長處, 其實我都未知, 所以冇model answer派俾你, 你要自已揾張紙仔寫晒自已D長處出來, 逐個長處去諗對佢間公司有咩利益, 然後慢慢組織你o既答案, 記住你講o既嘢最少要有一半是有理據支持, 例如你話你可以幫公司理帳, 咁你就最少要有薄記o既證書仔之類, 當然, 如果你公開考試的英文成績好, 你就大條道理話你可以幫到公司......)

問題四: 公司可以俾到咩你?

答案四:

(E條問題都係冇model answer, 因為只有你最清楚, 你可以又揾張紙仔寫晒佢間公司可以俾到咩嘢你o既Point, 然後逐一考量邊D應該講, 邊D應該唔講, 貼士好簡單: 涉及金錢利益的最好小D講, 涉及精神上的滿足或工作成功感...等等的好處, 最好多D講, 咁樣先至顯得你唔會根根計較人工待遇之餘又會自動做好E份工, 好似曾特首咁.)

祝成功