原諒一個人容唔容易?......

我認為最重要係個人的修為....
所謂的是 ---你的本性, 你的心地---

我唔明點解要會選去憎恨一個人...你有好多野可以揀....
第一, 每個人都有佢做錯野既時候, 正所謂聖人都有錯啦....
問心, 你希唔希望你做錯野的時候其他人會原諒你先??
是不是真的無法原諒有時好睇你個心胸夠唔夠寬,
去選擇嬲, 憎, 恨一個人以前首先要去做你是檢討自己....
好多時, 個人的感覺會令原先很普通的事變成一年無法原諒
的事.......令事件惡化, 成為一個傷口.....但好多人都忽略的
事件發生那刻的感覺..........這感覺才是原凶.....


第二, 選擇去憎一個人并不會令到被憎的人有內疚的感覺,
相反, 只會令到自己更痛苦...
要常常提醒自己/記起呢個人如何傷害自己, 是一件十分十分
痛苦的事......你每想起一次, 個件事便會起你腦中重演一次..
怎樣看, 都不是在情罰被惜者, 相反是在折磨自己....


我曾經愛過一個人...而呢個人亦我傷得好深..
望住佢, 最初不懂表達自己既情感時, 係有嬲, 憎...既感覺..
可能個時我有病住起醫院.......所以有一段好長好靜既時去想......
我都用了一段時間才想通.....
你說 : 當內心滿是仇恨時....

我想...個point.....點解你個心全是恨.......呢樣先至係個問題
點解唔可以去看一個人好的地方......全看佢唔好既地方?
點解付出就希望有回報等等................
我都是看聖嚴法師108自在語有所啟發, 希望幫到你


108自在語
聖嚴法師


41. 用智慧處理事，以慈悲關懷人
43. 慈悲心愈重，智慧愈高，煩惱也就愈少。
45. 心隨境轉是凡夫；境隨心轉是聖賢。
47. 山不轉路轉，路不轉人轉，人不轉心轉。
81. 心不平安是真正的苦，身體的病痛不一定是苦。
84. 不要用壓抑來控制情緒，最好用觀想、用佛號、用祈禱，來化解情緒。
93. 奉獻即是修行，安心即是成就。
97. 若希望人際關係相處得好，就要把心量放大，多接納人，多包容人。
99. 人與人之間的相處之道，需要溝通，溝通不成則妥協，妥協不成時，你就原諒和容忍他吧。

2008-03-12 17:12:26 補充：
http://www.theqi.com/buddhism/108w.html
付此website作參考

原諒一個人係要時間
同想法要向好果面睇
唔好再向仇恨果面想
個人會好一D
當忘記唔到...腦海又出現
就想一D層有過開心的時候

原諒一個人真的很難，尤其他對你做了一些傷害你很深的事，要寛恕唯有學習忘記，忘記是一個很好的方法，因為既然忘記或失憶後，當事人已從你腦海中消失，你對他也就無愛無恨

另外一個方法是令自已很忙，而使自己沒有時間去想你所憎恨的事

雖然比較消極，希望幫到你吧！

如果係話要原諒一個你好親好愛既人
真係好難....
要放低你對佢既仇恨去寬恕
真係好唔容易
我都試過咁...
但係最後都放低左
不過唔談得上係原諒
只係覺得憎佢好辛苦唔想咁
再者佢點講都係我既至親
我寧願去愛佢多過憎佢

原諒一個人需要好多時間, 至少, 要讓仇恨的傷口在心中復原, 但傷口復原, 始終還有疤痕, 即使傷口不再痛了, 疤痕卻永不磨滅. 如果一個人的傷口能得到好好的護理, 即使有疤, 也只是一個疤而已, 你不會再去記住受傷時的痛楚, 可以再面對傷害你的人, 就算是原諒了對方了. 但如果沒有護理傷口, 反而去加深它的傷害, 或者時常記住受傷的原因, 你是不可能原諒傷害你的人.

如果果個人真係做左D好衰既野,令到自己好嬲既話...

我諗,我自認係一個小器既人,激到我好嬲既話,好耐先會原諒佢

如果佢唔係激得你太嬲,都唔好嬲佢咁耐....

原諒左佢會令自己輕鬆D

講到內心滿是仇恨,自己都好應該諗下:點解會咁嬲?過左一段時間之

後,你通常都會覺得自己好似太小器,竟然嬲左佢咁耐,自自然就原諒左

佢...

好多時,都係唔經唔覺咁原諒左佢....

嬲佢嬲幾耐,其實係睇下你自己夠唔夠睇開D,原諒一個人,話易唔易;但

係話難又未算....

每個人對"原諒人地"都有唔同既睇法,以上既野只係我自己個人見解...