澳門的格蘭酒店好唔好??近唔近市中心??同埋三日二夜有咩好介紹??

上年4月我住過格蘭酒店, 都算唔錯, 幾新淨下. 不過佢係位於氹仔 (氹仔是一個離島), 唔近市區的. 如果要由市區搭巴士前往, 車費成人要3.3元, 而且車程長左D., 再加上在繁忙時間的話, 成日塞車的. 格蘭酒店在碼頭有免費專車車你入酒店, 不過班次好疏.
你可以去中旅社訂澳門酒店的: 酒店方面首選可以考慮位於南灣大馬路的京都酒店. 雖然只有3星級, 不過鄰近新馬路/福隆新街/議事亭前地/大三巴牌坊...等主要景點, 由酒店行路過去唔駛一陣就到. 第二選擇可以考慮京都酒店對落一條行的新麗華酒店. 3星級及鄰近市區, 而且最近翻新過. 如果想要平價賓館的話, 澳門議事亭前地新中央郵政總局果度有一間叫做新中央的賓館, 只需200元一晚. 另外澳門福隆新街都有好多100-200元的平價賓館架. 而且新中央賓館及福隆新街的平價賓館位於澳門市中心地段, 去大三巴/大炮台/澳門博物館/媽閣廟...等主要景點都好近, 行路去的話唔駛一陣就到.
當你從香港坐船去到澳門後, 你可以在澳門碼頭的旅遊局取一份免費地圖的.
以下是我去開的澳門行程給你參考:
DAY1:
早上抵達澳門後, 你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到聖安多尼教堂及白鴿巢公園, 果條路仔有好多古董賣的). 中午可以在議事亭前地中央郵局附近的黃枝記食LUNCH, 主要係食中式粥類及粉麵. 下午可以到福隆新街睇下一些特色的街道(福隆新街在議事亭中央郵局對面的澳門民政總署旁邊的橫街入去, 整條街的門窗都係油上紅色的油漆), 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂. 傍晚可以落一落去位於新口岸的觀音像及宋玉生公園參觀. 晚上可以去漁人碼頭玩及到附近的新八佰伴SHOPPING, 新八佰伴頂樓有美食廣場, 你可以在那裡食晚餐. 如果你有興趣睇賽狗的話, 晚餐後可以在新馬路搭巴士去拱北, 在紅街市附近下車然後行一段路去逸園賽狗場, 入賽狗場只須10元的入場費, 憑入場券可投注一次. 賽狗場門口有好多大排檔的, 可以食埋消夜才回酒店. 回酒店之前順道去埋賽狗場附近的三盞燈睇特色街燈.

DAY2:
早上可以去盧廉若公園及二龍喉公園舒展一下筋骨. 二龍喉公園係有纜車上松山燈塔的. 燈塔旁邊有一間聖母雪地殿聖堂, 始建於1626年. 之後可以搭車前往氹仔, 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的. 中午由官也街行大約10分鐘便可以去到富有中國色彩的花城公園遊覽+食Lunch, Lunch後去四面佛. 下午茶可以去大利來記食馳名的豬扒包及絲襪奶茶, 不過最好要在3:00pm前霸定位, 因為大利來記每日3:00pm會有新鮮的豬扒包出爐, 到時會有好多人去食, 遲D去的話就會賣完無得食架啦! 之後去返官也街買手信, 你亦都可以去官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半). 晚上可以去附近的熊貓餐廳食地道的萄國菜. 請緊記要預鬆D時間由氹仔出返碼頭, 因為預左會有少少塞車.

DAY3:
早上可以去路環的黑沙灣OR竹灣等海灘踏下水, 之後可以去路環西部的石排灣郊野公園行下山及去郊野公園內的土地暨自然博物館. 中午出返去路環市區的聖方濟各教堂, 教堂前有一個具葡萄牙傳統風格的廣場, 廣場兩旁設有餐廳和咖啡廳可以食Lunch. 另外, 還有一座紀念碑, 紀念路環市民在1910年戰勝海盜的事跡.
如果在澳門乘巴士前往各景點的話: 市區劃一2.50元, 去氹仔3.3元, 去路環5元.

2008-03-11 10:00:10 補充：
DAY 2介紹你去的氹仔熊貓葡國餐廳地址: 氹仔施督憲正街4-8號 (營業時間:上午11:00至晚上11:00)

實在，酒店係非常海鮮價，答唔到你價錢呢個問題；如果假期黎，真係要快ｄ訂房，因為家下澳門ｄ酒店係唔係都話爆房；但格蘭酒店位於（乙水）仔，交通方便，在大馬路迴旋處，巴士站多，去澳門同路環線基本上實經過，不過呢，夜晚乙水仔無野好行，當你係澳門玩完就要搭的士返酒店，不過澳門搭的士唔算太貴，起錶先係１１蚊，由澳門皇朝咁計去格蘭唔塞車要３０蚊左右，但截唔截到的士係一個問題，因為而家ｄ的士一般只會守住ｄ賭場多。
澳門３天２夜，要行名勝如大三巴，燈塔，媽閣廟，真係一天乜都行完，包括埋乙水仔龍環葡韻（歐陸式建築，石仔路），放狗一流，在乙水仔官也街（即係賣蛋卷戈堆鋪頭附近），去乙水仔巴士都可以話必經，但好似３５號唔可以；
走澳門本地全部一律２．５大元，
　澳門來／去乙水仔３蚊３毫，
　澳門來／去路環５蚊，
　乙水仔去路環好似４個半（呢個真係唔肯定）
一出港澳碼頭就有２間公司的巴士總站，你去問下站長／當值人員，因為我記得好似有ｄ澳門day pass之類

香港雜誌介紹戈ｄ野食鋪頭，一般澳門本地人甚少去，唔係唔好食，只係唔會日日都食得咁豪去餐廳或者出街食咁囉，所以比較化算的平民食堂：
三盞燈區的＜園林＞，食粉絲，牛肉出名，都好似有登過下雜誌，但環境就舊舊地，唔似餐廳係咖啡室囉，但去食的都係澳門人為主；
三盞燈區的＜雅馨＞，園林隔離，食緬甸野，如魚湯粉之類，水準唔係好出眾，但咁多年都ｋｅｅｐ到穩定；
乙水仔大利茶餐廳，豬扒包，雖然貴，又求其，又多人，不過真係幾好味，有特定出爐時間，下午３點出一次，朝早我就唔知道；
路環黑沙海灘有間叫＜Fernados 好似係咁spell＞，食葡國餐，食佢個名，但野食真係好一般，唔算太平，亦唔會勁貴，２個人一餐３至４個菜，３百蚊左右啦，黑沙海灘巴士總站斜對面；
路環仲有一間在路環市集，叫＜雅憩＞，都係食葡國餐，戈度會有情調ｄ，因為有ｄ燈飾同隔離係教堂，但野食都係好一般，但唔難食放心，價錢同海灘戈間相約，無巴士到，只可以在街口迴旋處巴士站落，落車行１０分鐘，好近；呢個你可以下午去完乙水仔行，然後３至４點搭車去路環＜安德魯＞食葡撻，正宗之一，然後咪可以周圍行下ｄ甚麼古廟，監獄，再行返去雅憩食晚飯，然後食完晚飯，搭巴士去黑沙海灘談一陣心，跟住買ｄ燒雞翼，然後搭巴士返酒店，最後一班巴士由路環開出，好似係零晨１２點幾，要睇清楚個站ｄ路牌～