ASUS P5VDC-MX
512MB DDR2 RAM
一隻80G HD
機箱無額外風扇。
部電腦成日開不著，無端端WINXP load到一半就自動熄機，睇落都似overhead。拆開一睇CPU風扇確係好多塵，咁咪拆左風扇出黎連所有隙都吸乾淨；以為吸左塵就無事，裝返之後又再開機。未行WINXP前入BIOS一睇，嚇死人，CPU成七十幾八十度！風扇轉到成四千幾轉！當然係開唔到機喇！
之後放底部機無開兩日。兩日後，我再拆左把CPU風扇出黎換個一把，重新括乾淨風扇鋁底同CPU面個D舊散熱膏，再裝返個風扇落去。第一次無用散熱膏，一開CPU六十幾至七十幾度之間，風扇落返二千幾轉；諗落唔掂，翻裝CPU風扇。不過今次加散熱膏，開機一睇去返五十幾度，風扇係二千幾轉，咁就由得佢行囉。入到WINXP，做除毒都無咩事，用SOFTWARE CHECK住一路都係五十幾度；但之後由HD過HD抄野十多分鐘，愈抄愈唔對路！ CPU都無咩，去到六十幾度，但部風扇勁轉，轉到成四千五轉以上，勁嘈！直至抄完都係咁。跟住熄機，隔左十幾分鐘後再開，部機都一路行四千幾轉，轉到「弗弗」聲，而CPU就有六十幾度。
照理CPU都無理由咁熱，我上網過人地話二幾至三十幾度才是正常，而家咁樣，究竟係咩壞？CPU風扇？底板？定係CPU壞？有無高人可以指教小弟。我可以點做呢？
更新1:
多謝climba63922 的回應。 我本身已裝過十多部機，不是第一次裝機，很清楚你所講的「鋁片未裝妥貼」基本上不可能，四隻腳已裝得穩穩當當，絕沒有高低情況。
更新2:
我初都以為HEATSINK SENSOR有問題，但我第二次已經裝另一把同樣係intel的風扇，無理由兩把都同時壞架？ 再者，真係用手摸機箱都摸得出部機好熱，用手放係HEATSINK則邊都覺得熱。
