請問大家倉鼠的價錢、知識!!要詳細(15分)

A.去金魚街買鼠同鼠用品會較多款式同較平,鼠店多競爭較大,常見寵物倉鼠價錢如下:
小灰霸大約 $6-20
小紫王大約 $6-40
小銀弧大約 $30-60
小露寶大約$10-30
熊仔鼠大約$50-150

B.只係話想知倉鼠知識實在非常之多,睇一本書都未足夠,唔知你係想知D咩?講一D最基本要知既知識先吧
養倉鼠前需要考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
6)要考慮清楚係咪可以照顧鼠鼠一世,唔會因為鼠鼠大隻左而嫌棄.
7)得到家人同意去養
8)預算好養鼠既費用,包括日後可以生病再睇醫生

平日養鼠要留意既事:
1)每日換水,並檢查水樽係咪真係出到水同會唔會漏水
2)食物要有足夠既份量,多d都唔緊要,鼠鼠係知飽既.最好放多d,多d食物先令鼠鼠有安全感,一般乾糧可以耐d先換
3)糧食方面只要俾鼠混合糧同草就可以了,好多人既食物都係唔適合鼠鼠既,甚至蔬果我都覺得唔好,原因可參考以下我回答既知識:http://hk.knowledge.yahoo.com/question/?qid=7008010505053
4)一星期用沖涼粉沖一次涼,真係太熱太臭最多都係兩次,有病先例外.唔好用水同鼠鼠沖涼
5)一星期大洗籠一次,平日覺污糟都可以打掃一下,鼠鼠多數排泄得好集中,打掃排泄開既位置同佢訓既位置就已經好好多(因為鼠鼠用排泄物去表示呢個係自己地頭,所以訓既地方都會排泄)
6)唔好用有味or有色既木糠,最好買d冇咁碎既.有味既木糠加埋鼠鼠既排泄物係好臭既,有色就可能會甩色,碎既木糠就易影響鼠鼠呼吸道.以甘既都易令鼠鼠敏感.
7)個籠一定要安全,唔會有野整親鼠鼠,唔好用一間間好通風既轉輪同地板,好易卡住鼠鼠隻腳.
8)鼠鼠好叻走佬,留意有冇咩位鼠鼠會走到
9)鼠鼠怕凍,更怕熱,凍同熱都要為鼠鼠保暖or解暑
10)好緊要既係,平日多d留意鼠鼠既身體同排泄物,有咩異常就可能係有病
11)鼠鼠既牙係不斷生長,所以要有野俾鼠鼠磨牙,唔磨牙既話,d牙會插穿鼠鼠,令鼠鼠死亡,如果你隻鼠唔咬磨牙石,就可以買一d木制玩具俾佢咬(磨埋爪都得),又或可以試下鹽磚
12)除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩
13)鼠鼠買返唻既初時,頭兩日唔好打擾佢,再試下以下方法同鼠鼠建立關係:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

如果佢哽親的話 可以點做?

倉鼠ge品種:

‧小紫王(佢地好乖ga,通常都好靜ga 最乖,最馴 最good)
　價錢:$20-30
‧小露寶(走得好快,好q ga, d毛仲好舒服添)
　價錢:$40-55
‧黃金倉(有金黃色ge毛,眼睛就細d 只可養一隻or分開養)
　價錢:$45-120
‧小灰霸(較惡死,仲好粗生,但價錢較平)
　價錢:$ 6-15
‧小銀狐(白底,背脊有條黑色ge紋,走得好快)
‧金身(qq地)
‧熊仔鼠(幾大嫁,不過比較親近人)
‧小雲石

倉鼠店:

Ｑ-PET: 旺角廣華街1號仁安大廈23號A
沙田新城市廣場第三期西田附近A120舖
葵芳葵涌廣場1/F B08舖
沙田大圍道12-14號A2鋪
荃灣大壩街49-51號地下

龍貓樂園: 旺角通菜街169號地下
寵物便利店: 旺角通菜街144號地下（佢地服務態度好好）


買之前要留意ge事項...

睇吓有冇病:
‧冇甩毛
‧隻眼要精靈
‧毛質柔軟、順滑
‧有光澤而不濕
‧冇腹瀉