有冇方法可以有多D幽默感!?`

你想增加自己既幽默感，從而令自己更多朋友，對不對？
驟眼睇，兩件事並無直接關連。但，一個富幽默感既人的確會更吸引朋友既注意，自然旁人看起來，那人就有很多朋友了。

你是個木獨既人？意思係你比較靜，少野講？少說話當然就會減少別人同你傾偈既機會，咁，你自然就會變得更靜啦。呢個係一個循環，必需要打破局面。幽默似乎係一個打破局面既好方法（當然唔淨只呢個方法啦！）

嗯～你想多Ｄ幽默感，要點做呢？

首先，你要答自己一Ｄ問題：
　你介意別人笑你嗎？
　你介意在別人心中建立一個傻／笨既形象嗎？
　你介意踩低自己來抬高別人？
　你怕瘀嗎？

如果你都不介意，很好。你可能會問，要有幽默感真係要咁架？當然唔係啦，但係你要有覺悟，因為無人能夠一步登天。要做得幽默，有時要故意自嘲，有時又會因為失言、失禮而受到譏笑，如果頂唔住，面皮唔夠厚，就會有反效果，變成自卑，所以要係呢方面有足夠抵抗力先得咖！

講左咁耐，仲未到題...　>﹏<
其實好難教你點樣幽默。事實上，唔同人會對幽默感有唔同既要求，簡單舉例：我覺得獎門人好好笑，主持幽默，但老豆就覺得佢地好低能，好無聊，一點不好笑。我又覺得Ｄ政客講既政治笑話唔好笑，但係立法會Ｄ人哄堂大笑。

只要差一個level，靚gag都變爛gag！

所以，你要培養自己既幽默感，就要先知道你既對象屬於邊個level。聽來好難，其實要做既只係留意下佢地聽到Ｄ咩會笑，就係咁簡單！最普遍既，就係嘲笑身邊既人（朋輩），當然，如果被嘲笑既人係唔玩得既，又或者玩過左火位，都會變成缺德，所以呢個方法可免則免，取而代之，就係嘲笑自己。如果你自己玩得，又遇到個都好玩得既朋友，咁就會好好玩了。

嘲笑自己係個手法，唔代表真係攞自己既缺點來奚落。
舉個假設例子：

幾個朋友出來吃飯，突然有位朋友吸煙，大家都明顯唔想呢位朋友吸煙但係唔好意思講，咁你就話：「唉，我呀，有次同朋友食飯果時食煙，畀人寸我無品喎！」（而事實上你係唔吸煙）果位朋友到最後會唔會因此唔食煙就講唔定了，不過朋友們（尤其知你唔吸煙的）就會知你別有用意，利用自己來指桑罵槐，不過危險就係食煙朋友可能會寸你，如果你handle得住，咁當然愈來愈好玩，令朋友們更快樂啦，搞唔好，佢寸到你一棟都無，咁你咪瘀爆。所以我就會話要面皮夠厚先至得。

我中學果時，有好多人話我好搞笑，但係我只係講左Ｄ傻話，有時候因為畀人笑緊，我胡亂駁返佢，反而收到搞笑既效果...所以有時候唔一定係想搞笑才會搞笑。隨意吧，最緊要不要因為怕呢樣怕果樣而唔敢講野。

2008-03-19 00:19:41 補充：
有個題外話，就係上面提過，除左幽默，仲有其他方法可以打破無法同朋友交談既局面。

其實只要關心身邊朋友既需要，同埋唔怕蝕底咁去幫人（唔係借錢畀人），咁就能夠得到朋友既認同同接受咖啦。

要多D幽默感, 首先要自己放開懷抱, 對事物不要執着, 陪養開朗性格, 多接受別人意見。這樣你便不容易發怒, 說話也变得輕鬆了, 幽默感自然就會出現了!
另外, 多吸收知識, 多看書, 多留意生活上的事物, 以及跟有學識的人多交談, 那麽你個人的知識與智慧也提高了。要用到幽默感時便會是很自然有深度而不是低級趣味了!
我相信這是不变的定律, 希望你也同意。