我白痴的加入了亮碧思DCHL...有得攞番d錢嗎???

我剛剛上網睇過呢間公司D資料, 係做香薰既, 全部都係負面消息. 有一位Yahoo知識網友都上黎講過, 被騙7萬多元...... 你可以上網睇下, 一打亮碧思DCHL, 就大把負面消息. 我建議你話比長輩或年長的朋友知, 等佢地幫你攞番D錢. 一定要有人陪你, 你年紀細, 好以被人耍. Keep好張3000蚊既收據, 搜集晒D資料后就同介紹你入會個位朋友講, 你要退會, 講清楚你退會既原因. 要佢負責聯絡退番D錢比你. 如果佢做唔到, 就直接去同公司負責人講. 如果佢地都係唔肯退, 你應該去報警. 等警方介入.

你都唔想繼續有人好似你咁受騙架, 如果唔係你D朋友話你知佢地做生意手法唔正確, 相信你仲繼續比埋個2000蚊..... 根住可能係幾萬蚊. 遇到呢D事, 你應該出聲, 唔好啞忍呀. 仲有, 介紹你入會個位所謂朋友, 你都要小心D, 佢明知係個局都叫你去, 咁既朋友要唔要都罷啦!

我朋友之前被間電器鋪握, 叫佢地退錢唔肯退, 後來我朋友同佢地講會聯絡蘋果日報擧報佢, 後來蘋果記者打電話比間電器鋪, 佢地就死死氣退番錢比我朋友. 我擧呢個例子比你, 係想話你知有D野你要經過增取先會有結果, 唔好問下佢話無就算. 唔好比壞人得逞. 勇敢D啦!

祝福您!

1.) 報警
2.) 消費者委員會
3.) 商業調查科
4.) 自己同d fd上去
5.) 當冇事發生(超級愚蠢方法)

ps當為自己也好當幫人也好..如果啞忍的話呢個風氣只會不斷咁惡化..大家都唔想下1個受害者會系你身邊既人架啦..所以我都系覺得1-3會最好..

3000蚊, 當執返身彩啦!!! 佢可能遲喲會叫你攞張信用卡出嚟, or 又迫你介紹喲朋友嚟, 你自已都職話 d情報好似警訊個d 咁啦, 趁佢哋仲未埋你身, 快走啦, 唔好再俾錢啦....

財到光棍手，一去冇回頭。想番，好難囉！試去消委會尋求協助啦，千萬不要 on 居居番去問佢呀，免再次送羊入虎口喇。
總之記住求職時，未出糧先要你俾一筆錢先，9 成都係 老點，騙人居多，唔好制呀！