我想揾個好社工，幫吓我個女

你可以打社署熱線 2343 2255 查詢,

它會轉介你服務機構; 該使用我地的那種服務;

你亦需先告知駐校社工;

至於心理問題, 最好先由社工評估後才她轉介心理醫生為上策。

係問題之前, 我想知你個女幾大? 讀幾年班

依家你呢個方向係好好既, 你發現你個女有問題, 又你又會去找人幫手去解決呢個問題, 其實係好聰明既一個做法


不過, 或者咁睇呢件事先.
你個女依家同班 '壞' 同學一齊玩, 成日走堂, 上堂訓覺.
而我想知佢既成績係點既先?

唔好以為我講笑, 有好多人都係咁, 但係成績依然唔錯. 當年我就係其中一個, 我阿媽成日都話我識d 壞同學, 而實際上, 影響其他人最多既就係我. 而成績同操行方面, 當年我都唔係咁好. 不過夠升中四, 中六, 大學.... 咁就算嫁啦.

我擔心既係你迫得太緊...原來佢已經成績好好, 但係你都係要求佢拎10個A, 咁樣既話就係另一個方向去處理呢件事啦.

如果你個女既成績唔係咁好, 而且又係中一二既話, 我諗, 求其一個專業既社工都可以幫到你手. 而我個人覺得, 社工就算同一個CASE 幫你唔到都好, 都可以redirect 你既case 比唔同既人去搞.

不過, 我個人覺得, 解決你個女既問題, 要你個女, 仲有佢屋企, 幫佢建立一個健康既環境, (而學校方面, 邊間學校冇壞學生丫, 睇你個女自己係咩人就去識咩人嫁啦) 去令佢係學校度建立返成功感. 咁樣, 就會令佢係學校有更多既投入感, 自然就會讀書好d.
而找社工, 只係找人教你地點去做, 唔好期望找左社工就咩都唔駛做. 要佢地真係幫到你手, 你地既合作先係最緊要.

(我唔係社工, 不過有朋友係社工. 我唔建議你特別找一個社工, 事關佢地都係專業既)