LCD電視 維修

千祈唔好用其他野抺個顯示屏, 因為PANEL表面有層coating, 會抺甩, 會有一撻永不磨滅既"胎記"架. 特別LG-PHILIPS 既PANEL(通常PHILIPS 都會用LG-PHILIPS既PANEL), 佢有一層防反光既COATING, 抺甩左就會零零舍舍有個印架!!! 一係用少少潤膚油試試.
可以換既零件就係個PANEL前面果塊"玻璃" (Polarizer) , 但一般都唔會只係換塊"玻璃", 因為會有塵走入去PANEL 同 BACKLIGHT之間, 同埋會唔耐用, 佢地係會同你換哂成個PANEL, 但換PANEL 都幾貴, 加多少少錢就己經可以換過部新機架喇.
如果睇到可以繼續睇住先, 遲D換過部內置數碼接收既.
市面好少見到有42" 咁大塊既防劃花保護貼, 就算有都唔平, 一塊17" MON用既都成百蚊, 你估下42" 要幾多錢呢，加左一塊保護貼係可以防止小孩再弄花, 但電視既顏色, 光暗, 對比, 可視角度都會被打折扣....
一條小小既花痕在光亮而又動態既畫面係唔覺架. 但唔好再比小朋友再攪攪震.
p.s. LG-PHILIPS PANEL 表面塊玻璃係比較硬淨.

如果可以忍受，我建議就咁算數，表面物料係成個屏幕的組合結構，係無得換的，隨非成個屏幕換。
大膽建議，可試下用幼細一點的省銅膏，比心機慢慢的打磨一下，如有進展，得間就擦拭一下，有機會把花痕去走，不過我只用此方法修復花了的錶面，錶面係可以的，屏幕就未試過。
四十二寸的屏幕保護貼就算買得到都好難黐得靚，可以加的話，當然係好些。