救下我件羽絨褸(20)分

唔洗驚, D羽絨褸洗完後係會一舊舊(因為未乾D羽絨會聚埋一舊), 我上次洗都係咁樣, 好似唔見晒裏邊D野咁. 但當佢乾咗就會脹返, 襯D兩日天氣比較乾, 你掛佢係窗邊吹但千其唔好晒.件羽絨褸自然會一日脹過一日.唔使咁担心.

羽絨褸沒錯是可以手洗或機洗的，但就要配合一些法門，你既然已洗了，想必知道其中的竅門，故不再贅述了。

如之前洗時忘記放入網球，致現在羽絨黐埋一舊舊，可把整件羽絨褸重新泡透，擎乾水時，以球拍、或衣架、或藤條等拍鬆羽絨就成。

羽絨一般都好少用洗衣機洗, 多數都係拎去乾洗, 因為除非你有專業用的機器同物料, 如果唔係都唔會自己洗.
你件衫咁樣我建議你試下拎去洗衣店, 問下幫唔幫到你啦, 因為佢地有大形乾衣機, 或且可以幫你整翻件衫.,不過唔知係咪真係得架, 如果件衫無得救就唔一定可以幫到你架. 至於價錢不知, 要睇番佢點計.
我建議下次你都係拎件羽絨去洗衣店乾洗啦, 因為洗衣店佢地有專門乾洗的工場同物料, 可以幫你清潔件衫, 雖然要俾錢 (其實都唔係好貴, 大約50~100元左右要睇番你件褸的長短計) 但總好過弄爛啦. 因為我自己的羽絨都係拎去乾洗的.

可能你件羽絨褸未乾得透，你試下用手慢慢將一舊舊個D捽番鬆佢，然後放係有陽光下曬乾佢。我自己都試過這樣，結果係得既。