我應轉教會嗎???? (好苦惱...)

我同佢係同church既, 初初做過一段時間朋友.
但後來d churchmate「傳」我地, 雖然我叫佢唔使理但係佢唔理照樣避開我, 跟住彼此澄清左, 佢就變左表面上響教會好忙咁事奉(同我保持距離), 但響電話度傾就好friend...
後來佢突然唔睬我, 又同我變得客客氣氣咁.
我聽到d churchmate話佢曾經講過佢對我無意思, 我呆左, 因為果時既我只當佢係一位好朋友...
後來佢有次搵機會睬番我, 同我做番朋友(但就表現得一時迴避, 一時又好熱情咁), 可惜當時教會原來已經有唔少churchmate討論緊我同佢之間既「緋聞」, 結果當時既傳道人要求我同佢當面對質(當時我同個弟兄都唔係自願, 係傳道人一定要我地咁做), 而響果次對質之中, 我同佢被問及「係咪鍾意對方」, 雙方都大聲否認左...
自此以後, 我同佢就「受傳道人所喻」變成左陌路人, 大家見到對方時都「面阻阻」, 所有來往同關係都斷晒;
後來, 我從一位舊同學口中聽到佢曾經表示過, 如果可以既話佢都唔想咁worse, 亦表示希望能見我; 可惜果次我同佢(仲有我位舊同學)傾談「無結果」--我表示想同佢做番朋友而佢則表示感到同我之間係屬於「男女關係」(雖然佢依然口中表示對我無意思, 不過佢又叫我細心諗清楚對佢係咩feeling; 另外佢亦表示之前傳道人要我地對質既事令到佢都好難受), 此外, 我同佢都覺得教會d弟兄姊妹實在「太多口」, 「唱」得太高調, 令我地感到異常尷尬同難受, 所以當我地再返番教會時, 彼此都將「暗地裡」發生過既事(例如約出來傾過)埋響心裡面, 繼續響churchmate面前「各行各路」...
後來我終於都發覺自己真係鍾意左佢, 後尾亦俾佢知道左, 可惜佢既態度顯得過激, 表示要同我「不相往還」;
當我返教會時, 我扮到好似若無其事咁, 繼續視佢如一個普通既弟兄, 但佢就繼續表現到好似同我無任何關係咁...

我曾經打算朝向「呢段關係已經成為過去」而唔理會咁繼續返教會, 同班churchmate相交, 但奈何每個星期見完佢之後都好辛苦, 因為我總會心思思咁諗--「點解佢今日笑得咁燦爛?? 係咪因為我既緣故??」(但我亦唔否認可能我受到朋友既影響--我身邊唔少朋友都一早覺得其實佢係鍾意我但又唔敢面對, 再加上弟兄姊妹太多是非, 所以只有見親我就逃避)
有時我又會覺得好累, 因為當我諗到:「點解我同個個異性都無事, 唯獨是同佢之間攪成咁??」(我有諗過, 如果唔係當日佢叫我認真諗清楚對佢係咩feeling, 或者我未必會去諗「係咪鍾意佢」呢個問題), 我就會覺得好唏噓同傷心(雖然我承認我曾經因為想佢而笑...)...

其實呢一刻既我好矛盾......
錫我既churchmate叫我唔好因為人既緣故而返教會or唔返教會, 叫我「專心d」, 但我church以外既朋友則勸我唔好再返呢間教會, 因為唔想我仲俾自己不必要既幻想同希望; 奈何我都返左呢間教會好耐, 除左佢之外我對其他弟兄姊妹同呢間教會都有一定既感情同牽掛, 我曾經試過返第二d教會但結果都對母會唔捨得所以回頭, 呢種感情while我church以外既朋友唔理解...

離開母會, 我又唔捨得一班churchmate, 但我返去, 見完個弟兄之後我又難受, 到底我應該去定留???? 希望各位弟兄姊妹可以俾d意見我......