我想問HKS GT II WASTEGATE

雖然Wastegate同放氣哇佬(Blow-off Valve, BOV)都係對turbo 壓力嘅調整同turbo嘅保護有關, 但係兩者嘅操作環境, 目的同原理其實有好大分別.
turbo入面有兩個扇頁, 由一支軸承連接. Turbine(渦輪扇頁)一邊由引擎排氣經downpipe推動, 經過軸承轉動, 由compressor (壓縮扇頁) 捲動生氣加以壓縮, 經intercooler(如有), 生氣pipe推入引擎

Wastegate: 位於downpipe同turbine之間. 目的係當廢氣過多時, 壓力推開wastegate嘅彈弓經閥門排走, 咁樣就唔會令到turbine轉得過快, 令到turbo 增壓過多, 導致turbo甚至引擎損毀. 改裝用嘅wastegate可以抵受更高壓力之餘, 彈弓亦可作精密調節, 間接操控turbine可以轉幾快, 達到某個bar數就放氣.
BOV: 位於compressor同throttle蝴蝶瓣之間, 有D人會將個BOV焊接喺生氣pipe, 或者喺intercooler pipe上. 當駕駛者地版油, 大量壓縮生氣經過蝴蝶掩入引擎之間, 突然鬆開油門, 蝴蝶掩關上, 咁呢D壓縮生氣就會積累喺生氣管道入面, 反方向衝番去壓縮扇頁, 令扇頁損毀. Blow Off Valve作用就係將呢D壓縮氣從管道釋放出去. 改裝用嘅Blow Off Valve可以調校釋放多少, 而有D人會因為想引人注目, 而選擇一D有音效增大嘅Blow Off Valve. 其實越大聲, 即係放氣越多. 放氣過多即係架車再踩油時起圍慢咗, 唔一定係好事.
簡單嚟講, wastegate係排過多廢氣, BOV係排過多生氣

HKS GT II WASTEGATE = 防渦輪過高轉速泄氣機構

此機構是用作管制渦輪之轉速，因為渦輪工作時，其轉速可達十萬至十五萬轉每分鐘。當生氣渦輪達至一定的增壓壓力時，機構便使死氣渦輪作出泄氣，(死氣一部份流向渦輪，一部份流向排氣管，使其最高轉速限制在一定的轉速上，即一定的BAR數)，機構的產生是要使渦輪更耐用。

2008-03-11 04:28:47 補充：
HKS GT II WASTEGATE 並不是放氣哇佬 !!