turbo question

可以咁講. 較直接同正確嘅講法, 應該係bar數增大, intercooler效能就應該要越強 -- 冷卻功能越高.
當turbo壓縮嘅生氣氣壓增加, 壓縮扇頁轉動自然要增快, 產生嘅溫度亦越高, 咁由turbo經intercooler經throttle生氣pipe入引擎嘅生氣氣溫亦隨而增高. Intercooler將空氣冷卻嘅原因主要有兩個:

保護引擎操作 -- 氣溫增加, 空氣密度入面含氧量就降低. 唔夠氧氣, 汽缸入面就未必可以完整咁完成點火引爆嘅步驟, 即係所謂engine knocking. 長期咁樣對引擎內部會做成損害
增加馬力 -- 改大個boost無非都係為咗增加引擎輸出. 空氣越低溫, 空氣密度越高, 含氧量都較多, 可以對引擎嘅功率有幫助. 大致上turbo車生氣每降低六度攝氏, 引擎輸出就可以多一個%. 亦都係呢個原因, 如果係同一個海拔高度揸車, 架車冬天時會比夏天時好力同爽D.
所以, 當你加大你turbo個boost/bar數同時, 你嘅intercooler都要配合到先得, 如果唔係, 可能會得不償失. 換intercooler時, 亦唔代表越大越好, 因為太大時可能會影響到生氣流量速度, 而且大intercooler通常係喺車頭水箱前方, 會搞到車頭重咗, 而且會影響水箱功率(尤其慢車時). 加大bar數時換intercooler不妨將連接intercooler嘅橡膠喉換上金屬喉, 並加上矽膠喉作連接, 因為原廠橡膠喉未必承受到增加嘅壓力.