我想問有冇可以裝到一隻金毛尋回太的狗袋賣

金毛係冇狗袋ga！可以同你分享一下，但唔好笑我~_~我以前有試過你咁既情況，我同男朋友係住村屋的，但我媽媽住果到就唔養得狗的，而且連入去都唔得。我每星期會同埋男朋友隻狗(金毛)番去我媽媽到食飯，我試過用一個大的紅白藍裝住隻金毛，當然佢有反抗，我就放左一條好長的零食骨頭落去個袋入面，結果佢乖乖咁伏低食野唔再反抗。當然個袋係冇拉上拉鏈，而且唔係我一個人拎啦，我同阿爸一人拎一邊。

初初睇到個問題以為係膠問....

我有D朋友亦都有差唔多既問題,
不過用袋既話就真係唔係辦法,
我朋友有隻"迷你"金毛(只得50磅),
由於居住環境問題,
出入大堂及坐升降機都要入袋才可,
佢就諗左個辦法你可以試下,
有D寵物車可能放得落既,
你可以去搵搵吧,
前排寵物節有SHOW過一D放得落30磅既狗車,
如果你果隻唔係太大(超重 = =")免強既話都可以放得落去既,
你都係避下風頭者,
屈就一下都無辦法架喇.
(再唔係就自己動手用紅白藍做改裝工程)

金金咁大隻，好難搵到咁大個袋喎，如果行樓梯出街得唔得呀？

根本係荒謬, 不如造過木箱比狗狗, 你要知道你養的係金毛, 而唔係芝娃娃, 金毛的身型會不斷地長大, 而體重亦會增加, 你認為你有能力放佢入袋內, 而孭佢出街咩?你連最基本的條件, 比佢出街跑跑都無, 你就唔好養佢啦, 你重要佢做黑市居民, 亦不能堂堂正正出街, 你真係好不負責任, 無陰公呀, 你明知你住的環境係唔可以養狗, 你就唔好害D狗狗啦, 你試吓代入狗狗的角色, 終日困在屋裡, 不能夠認識自己的朋友, 又唔能夠亂嘈, 日日提心吊膽, 擔心驚人發現, 那你真的愛狗狗嗎?不如你試吓搬到一D可以養狗的地方, 等狗狗可以過一D正常的生活啦!

我係旺角寵物城見到有d袋好大個
你去睇吓
或者有d旅行袋都好大

哈哈....真係陰功....又好攪笑...哈哈.哈哈...唉！真係比笑死，咁攪笑真係唔知點答至幫倒你，睇你既資料又唔似係果Ｄ無尼頭法題既人尼架！
咁啦；假如係住私家樓既，辛苦Ｄ就早上６点至放狗，並帶上口罩，試下出街得唔得啦，自已檢点Ｄ，看更好多時為左免傷和氣，冇人投訴既都會隻眼開隻眼閉嘅。