在HKU SPACE讀ACCOUNT

我同你差不多，都係工作左四五年，有 3rd level，想進修。
由於我同事今年就讀完 SPACE 同 University of Hull 合辦o既 Degree，所以我都有請教過佢同埋一 d 知識 o既朋友。
我最後都係報左 HKU SPACE 讀，因為我得中五，所以要先讀個 advanced diploma，為期兩年半。之後如果成績理想，你可以再報讀 Degree 課程大約為期一至兩年，睇下你讀得快定慢啦 ! 咁最快三年半就可以大學畢業啦 !
至於佢個好處，我個同事同我分析，考校內試始終好過考校外試 ( e.g. HKIAAT )，加上讀完之後唔單止可以夠資格考會計師公會o既試，重有個 Degree tim ! 而且可以括免好多張 paper，好似再考多 5 張 paper，就係 CPA 啦 !
至於唔好處就係，如果係 SPACE 同其他外國大學合併，就算你係有 Degree，只有私人公司或機構會承認你o既學歷，如果你想打政府工，佢地只會當你係中七 ... 呢個係唯一分別，如果你想打政府工，咁你可能就要選一 d OU，讀成四五年先可以攞到學位的課程。呢樣野你自己可以衡量下，我就覺得個學位只係一個踏腳石，俾我可以考專業試，當係一個BONUS ! 加上好多私人公司只要你有 Degree 就 OK ，都好少會再去 CARE 你個係咩 Degree ...
至於其他 U 都有好多類似o既課程，你都可以去了解清楚先，因為我以前讀過一 d 師資好差 o既 私校，所以我明知 HKU 係最貴，但係師資、learning centre 都比較多同埋靚，所以都係決定呢間，但係如果錢係你其中一個比較因素，咁你可以再搵埋其他 U 作比較後再決定，聽講理工都唔差呀 ^^ ~
希望我o既少少意見可以幫到你啦 ^^ ~

2008-03-13 23:17:48 補充：
我已經回覆左你o既 email 啦 ~
唔知你收唔收到呢 ?

2008-03-22 22:07:19 補充：
HK :
我同事話其實英國o既大學 ~ 對英文要求都比較高 ~
所以如果英文比較好的話就應該唔算太難 ~
我自己都有查過 hull U 係英國排名50位 ... 不過不失吧 ...

我都係讀緊HKU SPACE的Advanced Diploma in Accounting，之後打算再讀Degree，SPACE雖然貴，但課程比較有彈性及輕鬆，因為Tutor會比好多Tips，但當然有少少難度及一定要溫書，你肯溫吓書一定合格，雖然有LCCI Third Level，都無得豁免，雖然學校講明是用英話授課，但啲Tutor都會詢問同學的意見而改用中英授課，除非有人聽唔明中文而一定要用英文教，否則用中文講的多！認受性當然沒有考公開試的HKIAAT、ACCA及HKICPA的好啦！但僱主都會接受你有多些會計知識及有上進心肯讀書的情況下而加分！

除了大學的校外課程外，只有選擇讀IVE了，比較平而認受性是絕對肯定，但比較辛苦，因為可能一星期要返３－４晚，啲Tutor都會比Tips，並且Assignment分比率高過SPACE，都會比較易合格，並且多數用中文授課，但最緊要係平！

你有否考慮辛苦啲考公開試呢？不過真係要有自律性！最平又最快及最有認受性！

2008-03-16 15:35:19 補充：
想問樓上第一位，知唔知你的同事讀U of Hull難唔難呢！因為我都想讀，但London U的名多人識啲，可否給予意見！

2008-03-23 12:47:42 補充：
多謝００１的答覆

網主：你會考公開試係ACCA/HKICPA定AAT？基本上２間都差不多，但IVE會係政府承認高啲，因SPACE係私校成份高些，始於IVE平好多！你自己考慮吓啦！

我聽人講話英文好的話會好d, 咁即係話授課係中英夾雜既.
我都有LCCI level 3 distinction, F7 account同UE都及格, 所以比較想知道括免到幾多?
因為學費實在唔平, $3,400X8+$3,980X5, 連埋報名$150, 共要$47,250.扣左CEF$10,000都要三萬七仟幾, 都幾甘!!!!!!
如果括免越多咁要比既$$就越少!
你會報黎緊5月既課程嗎? 4月15日前就要搞啦! 你知道括免到幾多可以話比我知嗎? 我都好想讀但真係驚負擔唔黎, 知道後請可否email話比我知! thanks!
my email: [email protected]