倉鼠- 我養左一隻 小雲石 有咩要注意 (杰~答唔該)

因為較多問題,而字數有限,又唔想縮減唻答令鼠鼠有咩問題,所以部份內容煩請參考以往我回答既知識(已附上連結),謝!

A.鼠鼠係知飽既,唔洗擔心,飽既時候會收入腮再拎返去收埋
但要小心留意餵鼠鼠食野既時候會唔會只係揀d鼠鼠喜歡既食物or零食呢?如果集中俾好多鼠鼠喜歡既食物,鼠鼠在你手食飽左就唔會食第D野,就好易會偏食or過肥,好多疾病都係由肥胖而誘發,所以唔好為左哄鼠鼠開心而令鼠鼠身體唔好呢
同鼠鼠玩既時候,可以在鼠鼠既主糧度抽俾鼠鼠,到一盆主糧接近食晒先再添加;而放入籠既糧可以放多D,多D野食鼠鼠會較有安全感,當然係俾唔易變壞既食物啦

B.Prestige糧好好,唔洗擔心

C.其實只係俾混合主糧同時都可以加d鼠專食既牧草or草磚已經好足夠,胡亂俾鼠鼠食第D野,反而易令鼠鼠生病,而亂食野主要係影響內臟,大多唔係咁快會被發現,到發現既時候就可能已經好嚴重(例如內出血),所以一定要小心處理
http://hk.knowledge.yahoo.com/question/?qid=7008010505053

D.最好買返D磨牙用品俾鼠鼠,一來廁紙筒並唔夠硬,唔係咁磨到牙,二來好易污糟,咁會滋生細菌,加上如果個筒同鼠鼠體型差不多OR細過鼠鼠既話,有機會卡在中間
你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬
鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制同專俾鼠鼠用既磨牙用品係最好既,比較安全

E.木糠最少遮到底再多少少就可以了,夠鼠鼠咬返上房之餘都仲可以蓋到底,較凍既時候就要再厚D

其實冇話幾多日要換一次木糠,個個籠大小唔同,都已經唔同,籠大d就冇咁快污糟,覺得污糟就要清理一下,可每日清理鼠鼠排泄物集中地,咁就衛生得多,最耐一星期大洗一次籠

詳細情況係以下既咁,當然可以靈活地改變做法啦:
每日:將鼠鼠排泄物集中地清理一下,整走D排泄物,因為鼠鼠好多時都會集中一兩個地方排泄既,不過初養既時候鼠鼠就未必有呢個習慣,要到鼠鼠熟左個籠之後先會
數天:如果幾日就覺個籠污糟,可以只換木糠OR成個籠清洗
每星期:最少一星期成個籠清洗一次
每個月:每個月OR鼠鼠生病時,可以同成個籠用小動物專用消毒劑消毒一下個籠or用牙膏洗籠都唔錯既

F.會在固定既地方就好了,鼠鼠係喜歡有野遮到身體,咁訓覺就較有安全感,木糠等佢自己搬上去,唔好幫佢,咁佢有D野做下,唔會咁懶,又得意

G.唔沖涼較易有皮膚病,雖然鼠鼠會自己舔身體去沖涼,但始終唔夠全面
可以用沖涼粉一星期幫鼠鼠沖一次涼,熱天最多兩次,沖太多反而令鼠鼠抵抗力下降
同鼠鼠沖涼既步驟同留意既事:
http://hk.knowledge.yahoo.com/question/question?qid=7008021604136

2008-03-09 17:35:54 補充：
C點最後打漏左野,唔好意思,條LINK既知識有講有D例外情況係要食第D野既