NDS好d定係PSP好d

PSP：3-6分(視乎遊戲)／NDS：10分

大家拎得部機出街玩，多數都係為左搭車時「攝時間」吧？不過香港地咁細，你搭車搭得幾耐？通常15-30分鐘就落車／轉車，點樣響咁短時間入面盡情享受遊戲樂趣，係筆者非常重視既一點，呢方面NDS可以話係完美，由於佢係用「卡帶」作儲存媒介，一般遊戲時根本無所謂Loading Time，只係間中有遊戲阻你兩、三秒儲存遊戲進度，玩家可以將99.9%既時間放響玩遊戲方面。相比之下，PSP就顯得非常慘烈，由於佢係用一種叫「UMD」既光碟作儲存媒介，基本上遊玩中途要不斷Load Load Load LoadLoad...好多時真係LOAD多過玩！情況比家用的PlayStation更為嚴重。如果你經常坐短途車，絕對唔建議玩PSP，因為你LOAD到入標題畫面可能已經落車了！但當然每隻遊戲所須既Loading時間都有分別，不過客觀唻睇普遍都係唔理想，入game時LOAD十幾秒係平常事，每關之間再LOAD你十幾秒都係好正常，仲未計遊戲儲存進度時又額外俾多十幾秒你嘆...... 奉勸大家購買任何遊戲之前，最好先問人隻GAME既LOADING問題嚴唔嚴重，陣間買左好似WINNING咁既LOAD碟王，夠膽死LOAD你三、四十秒先開到波既真係喊都無謂。當然PSP係有「邪道」方法大幅減低讀碟時間，但呢點就唔納入討論範圍了。


【前境】

NDS現時全球銷量約為PSP三倍，而且走勢有逐漸「放甩」跡象，尤其老任手頭仲有一大堆「殺手級」遊戲未出(如：比卡超、撒爾達等)，相反PSP則接近「江郎才盡」，不斷靠「炒冷飯」吊命，響日本基本上大局已定。不過，PSP響歐洲既銷售勢頭似乎蓋過NDS，長此下去個發展可能係......NDS專玩原創／新派既日本遊戲，而PSP則專玩「炒冷飯」大作及歐美遊戲。

NDS依家out啦,

之前孖寶賽車個陣好hit

依家冇乜人玩,

psp就好好多,耐玩,有d game可以玩足幾年

例如mhp mhp2

同埋就出既mhp2g

所以本人鐘意psp多d

NDS好!

我有psp .. d game係好好! 又令 ! 旦係一張memory card都係入到幾隻games 就算係4gb都係! 同埋貴

nds 雖然d畫面唔係咁好
旦係有touch srceen! 多d fun! 又多人連線玩! 重要係平!