頸骨痛+響

轉頸, 如果係慢慢咁轉, 好似做運動咁, 就冇咩問題, 但如果係咁轉佢, 速度又好快, 冇量力而為, 就會好易整傷頸的, 要小心呀...
你依家覺得痛, 可能真係整傷左自己唔知, 例如拉傷左頸部肌肉呀, 扭傷頸椎咁, 所以你先要搵出係咩原因令到你痛, 先可以對症下藥, 照x ray 係可以的, 起碼你可以睇下有冇整傷頸椎嘛, 我自己本身頸椎脊椎都整傷, 都要睇幾次醫生, 照幾次x ray 先知 (我試過同1 張x ray 俾唔同醫生睇, 都可以有唔同答案...), 所以我建議你可以睇下骨科, 脊醫, 或運動創傷有關0既醫生。 如果你有咔咔聲響, 但冇痛楚, 有時候, 未必會係好大問題, 但最重要, 係要睇下究竟你係咩野事, 先對症, 後下藥, 先醫治到。

2008-03-18 00:14:39 補充：
照磁力共振當然會更準確, 比照x ray 更仔細長盡, 而價錢亦昂貴。
其實好多地方都有脊醫可以睇,你亦可上網search, 你又可以上執業脊醫學會個網http://www.cda.org.hk/Big5/contact.html參考下, 我都有睇過其中一個脊醫。
如果你真係好痛, 覺都訓唔到, 快d 搵醫生檢查下吧, 身體係自己0既, 要靠自己好好保養的, 有病有痛, 辛苦0既都係自己呀... 保重~