跟女同學講電話時,講到冇野好講,咁點好?

講到冇野好講,咁點好?
收線啦, 女同學ja, 唔係你老闆


又或者轉咩話題,或咩類形的話題好?
一切都係看你個人的修養同功力啦, 仲有你同個女同學有幾熟先, 係咪有意思先....

沒意思單純吹吹水的, 咪拿起份八卦雜誌/報紙見咩就講咩lor

普通朋友又唔想進一步的, 唔該收線

有意思想進一步的, 咪看下有沒有共同興趣
有就約下下次幾時出來玩, 又或者發掘下有咩新去處約佢一齊去
沒有的就更好, 發掘下佢對咩有興趣, 交流下你的課餘活動 (當然....點發掘, 點交流, 都在於你的功力)云云

以下有幾個沒事做找事做的好例子 :
1) 相約做運動 (佢立即叫好, 大家可以研究下做咩運動, 幾時...etc; 佢話唔好, 咁你可以引誘佢做, 反正理由多的是...)
2) 謊稱要選禮物送俾某人 (夠功力, 講成個鐘以上都仲有得講)
3) 問一D佢擅長的野, 扮到好似好有興趣想知多D咁
4) 你準備定一兩本IQ題的書, 或者上網找定.....(唔一定係你問, 你可以叫佢問一題, 你問一題咁)

以上都係一D唔使用腦, 用來浪費時間的好方法

講到無野講就收線啦,下次再傾過仲好!
如果夾硬拖長,等到對方覺得你太煩太悶仲衰啦!
有時說話要精采有趣先俾對方一個好印象,先時時好開心咁等你電話!
乜野話題都好,總之好似有d未講完就有事收線,令對方仲想你下次快d打來先係高手,如果講到無野好講仲拖長唔收線人地就會覺得你悶啦!

睇你地几多岁啰，小朋友就聊聊功课电视漫画，青春男女都可以讲讲性