我想要奸人堅的金句.

2008-03-15 9:57 pm

✔ 最佳答案

「你夠膽响我舖頭點燈，我就係你門口點火。」
（第20集）
「我咁辛苦捉你番嚟放咗你地，我不如食飽飯去扣喉。」
（第20集）
「哨牙就唔同喇，又易認，又搶眼，離遠都見到，唔見咗又容易搵得番。」
（第20集）
「嗱，老闆，我地呢D細嘅無非求一個機會，若然大老闆俾一個機會我，我一定唔會令你失望。」
（第19集）
「切忌喺細面前失威，你敷藥叫到好似女人咁，你話幾丟架。」
（第19集）
「你無防範意識，走出街比人劈，劈到豬肉咁，不如去豬肉檔做豬肉啦！」
（第19集）
「唔可以多謝做細嘅，細嘅係乜嘢呀！」
（第19集）
「唔好愛上一個做大事嘅人。」
（第18集）
「兒女私情，與其拖泥帶水，不如一刀兩斷。」
（第18集）
「師父，我諗我明啦，總之打不還口，罵不還手，買嘢唔打斧頭。」
（第16集）
「我咁底，正所謂無人無物無山頭，唔好話做英雄，做灰熊都唔得。」
（第16集）
「有人睇到就黃飛鴻，無人睇到就一條蟲。」
（第15集）
「人生出嚟，就為咗自己嘅利益生存。」
（第15集）
「有著數就正義原則，無著數就乜都掉得，呢個世界唔係咁嘅咩？」
（第15集）
「一睇我地就係苦命駌鴦一雙雙。」
（第14集）
「古語有云：可以亂食，禮物唔可以唔收。」
（第13集）
「人刺青你刺青，你刺隻雞係條腰度，你做咩？鍾意食雞腰呀？」
（第13集）
「我話你聽，一個人唔好咁好功夫，你越好功夫呢就越鹹濕。」
（第13集）
「真牙人妒忌假牙人，聞所未聞。」
（第12集）
「牙死不能復生，牙牙相報何時了呢？」
（第12集）
「嘩，憑你副尊容都想做明星呀？拍昆蟲紀錄片。」
（第12集）
「女人過六十斤，男女授受不親。」
（第11集）
「我地呢Ｄ浪子，係唔會等女人，只有女人等我。」
（第11集）
「我地呢Ｄ浪子，係唔會去搵阿爹，只會阿爹搵我。」
（第11集）
「人地扮靚係越扮越靚，唔係越扮越命嘛！一篤牛屎插朵花，
始終都係一篤牛屎，你明唔明呀？」
（第11集）
「一條死魚掉番落海，咁佢始終係一條死魚嘛，點解你唔接受自己係一條死魚呢？」
（第11集）
「你係醜，但醜係無罪嘛，唔知醜就罪大惡極喎。」
（第11集）
「女人唔係雞屎鴨屎，就係豬屎啦，我話你牛屎，講緊你係最高級喎。」
（第11集）
「我地D奸人、聰明人怕惡。係D笨人蠢人至信我。」
（第10集）
「一個純情少女忽然發姣，真係一個謎。」
（第10集）
「咁而家做黃飛鴻徒弟，真係咁多著數，係人都知啦。正所謂人間有情，你未死就送你一程。」
（第09集）
「得閒奸一奸，大病都好番。」
（第09集）
「咁戇居，你好學唔學，點解要死呀？死時候，死會搵你，你去搵佢？」
（第08集）
「你依家受我一拜，你就係一代宗師，你依家唔受，你就係一個乞嚏。」
（第08集）
「我要做奸人，可以被毀滅，但唔會俾你打敗。」
（第07集）
「損人不利己，不如跳井死。」
（第07集）
「貓捉老鼠，隻老鼠死，咁隻貓玩乜？我要慢慢玩殘你。」
（第07集）
「係，我係奸人堅，但我奸得堂堂正正，光明磊落，我行得奸，企得奸！」
（第07集）
「人財兩得，唔使鹹濕。」
（第06集）
「女人就係咁簡單，佢鍾意你你放篤屁，佢話你好有男人味。」
（第06集）
「一件污，二件穢，三件無所謂。我奸人堅做聖人，都係姓奸人。」
（第05集）
「何有富，我要你不得好死，死無全屍，沉落海底，比魚蝦蟹食晒，食唔晒沖番上岸俾狗食，
俾狗食唔晒俾雀食，海浪食晒你地。」
（第05集）
「我預咗俾雷劈，但係我俾雷劈之前，邊個睇我唔順眼，我就要佢陪葬。
由今日開始我唔姓何，我姓奸，我係奸人堅。」
（第05集）
「我浪子美男計上計，打孖咁上，有邊個女人唔死我手上。」
（第05集）
「咁大條鍊，咁細隻手指公。唉… 你有乜做得成功。」
（第04集）
「你識做，我識做。」
（第03集）
「一二三，五六七，我的仇人在那裡？我的仇人，一二三四，我的仇人在那裡？」
（第03集）
「損人必利己,打贏靠暗器。」
（第02集）
「有恩未報未算差，有仇不報正人渣。」
（第01集）
「以和為貴，遲早乞米，三十六著，恃強凌弱。」
（第01集）
「一二三四五六七八，我的姑娘在那裡？一二三四五六七八，我的姑娘在那裡？」
（第01集）
「真係有型，天生硬朗無情，幾多好漢為美人，無財又無丁。」
（第01集）

參考: http://app.tvb.com/board/drama/men_don_t_cry/word/index.asp

👍 0 👎 0