我隻狗狗未足兩個月大時買返屋企27/2(己打一支預防針),大約一個week就係咁流黃色鼻涕,又無黎精神,成日都好攰,好快訓教, 訓教個時d手手腳腳好似抽筋咁, 隻眼好似反白咁,半開半合(之前果一個week訓教時都無咁嫁),隻眼仔成日都有好多淚水响眼頭位置流出黎(成條淚痕)…….當狗狗食野時食得好快,好有胃口,但食完之後就好似咳咁,好似有野卡住喉嚨d聲咁,…….
我好擔心係狗瘟,所以我帶佢睇vet,醫生攞左佢d鼻涕同口d分泌物去驗,結果响支捧道有一條隱隱約約的線,佢話如果有一條好深色既線就一定係狗瘟,而嫁有一條咁淺色既線應該係狗瘟初期……咁佢係醫生,咁我緊係信佢講喇......之後佢比左d九龍區 vet 既地址我,又話要去果道打血清......
5/3我同我男朋友攞返隻狗狗返狗場,佢都退返錢比我地,我好唔開心,好唔捨得佢,我比左好多心機照顧佢,喊左我好多日,覺得狗狗好慘,咁細個就病成咁,我好唔捨得佢,但係我又無咁多錢同佢醫(我知同佢醫要成萬幾銀)嗚……
今日狗場d人話狗狗無事,只係傷風,又玩得,又食得,問我要唔要返佢?佢話如果狗狗再病有21日保証,佢話幫我養多幾日……
想問1,狗瘟係唔係一發病情況會一路轉差,唔會响幾日時間內好轉?
2,曾經發過病既狗狗check唔check到有無幻過狗瘟嫁?
3,狗狗之後會唔會復發嫁?
4,究竟佢係唔係狗瘟丫?
因為我唔想接佢返黎,又要見佢好辛苦果個樣,我會好心痛,如果要送返佢走我又會喊到死…大家可唔可以幫下我丫…….
關於狗瘟問題......help....好煩惱
2008-03-09 2:47 am
回答 (3)
2008-03-09 3:45 am
✔ 最佳答案
你好!你個隻係唔係松x狗,如果係我都有個同你好像的經驗,弟一日回來已流鼻水我當時又唔知驚就又佢因為佢精神都好好,點知弟二日佢好像哮咁鳴鳴咳我就同佢去睇e生,e生話佢狗瘟要打血清針五日,睇吓得唔得一支血清要成四佰至伍佰加藥錢診金一個禮拜成六仟幾蚊,你就可以退回狗場,我就唔得因為係旺角黑店__________________________一個禮拜知後隻狗冇事但係一様會,咳 ,我建意你叫狗場養多幾個禮拜先跟21日保証,最多陴錢打針同狗糧,因為狗瘟通常係D狗仔係大陸落來十隻八隻逼在一個籬先會有的,但係你要想清楚先因為係佢一生一世乘落,個個月平平哋都要洗伍佰至一仟蚊呀!
2008-03-09 3:47 am
我隻狗以前好細個嘅時候都曾經發過狗瘟，我哋帶佢去睇醫生，醫生要幫佢吊鹽水，我老公仲無返工成個星期係屋企睇住佢，因為要睇住佢有無其他異樣，同埋要同佢換鹽水，隻狗日日扒係度唔旭，好哋怕佢會死，所以好擔心，到最後好返晒，直至現在養咗佢12 年，都唔知幾生猛，佢仲成日好似隻馬係度跳來跳去添。我另外一隻都無佢咁精神，所以我覺得真係要同佢去問清楚醫生是乜嘢問題先，因為始終病就要睇醫生揾答案。
2008-03-09 3:25 am
狗狗係咁流黃色鼻涕,又無黎精神,一定是狗瘟病,唔check到有無幻過狗瘟嫁,而且狗埸d人信唔過的,佢地會同狗狗打幾枝抗生素,但幾日後狗狗又會復發嫁,狗瘟是細箘感染疾病,對4個月以下的小狗抵抗力比較弱,狗瘟細箘會感染小狗心臟,所以容易死亡,如果你會好心痛,就唔好接佢返黎了,狗瘟未必可醫到的.
收錄日期: 2021-04-13 15:16:02
原文連結 [永久失效]:
https://hk.answers.yahoo.com/question/index?qid=20080308000051KK02400