借錢俾人有借据..但佢唔還錢要點做

你的債項銀碼已過左小額錢債審裁處的處理範圍. 你需要入禀區域法院去追收. 不是一定要有欠單. 只需你有銀行轉數紙或支票過戶紀錄或提取現金之銀行紀錄, 便可做誓章入禀區院告佢.你有欠單, 證人, 就更加穩陣啦. 開file費用約$1080. 法庭收到你張稟後會發出傳票, 要佢出庭. 如對方收到傳票而不出席, 法庭可在有足夠理據下,在他決席下判你勝.如對方出席, 咁就各憑自已的理據向個官陳述睇吓個官點判.


當法庭判你勝, 你就可憑法庭的命令以合法行動追債. 你可釘佢契, 強制要佢賣樓還債, 或向法院申請個"扣押債務人財產令狀 ( Writ of Fieri Facias)", 任命執達吏去沒收佢擁有汽車 , 傢俬 , 辦公室設備 , 電腦或藝術品等個人資產或動產 , 並將之出售以償還欠款, 甚至申請佢破產. 呢d全部可填form搞掂, 好易做.
P.S. 樓上Edmond兄: 香港無咗 "以監代債" 好耐啦. 而家欠人錢無得還最多破產. 唔使坐監嘅.

2008-03-08 19:42:55 補充：
收數公司良莠不齊, 我見通有人揾收數佬收數, 反被屈番轉頭. 收唔到數都要俾收數費. 所以個人意見, 唔用為上. 但當然, d有規模的收數公司, 例如: Dun & Bradstreet, 都係ok嘅. 但就貴囉! 成30%-40%! 即係以你條數20萬計, 就要成6-8萬收數費.

兩個方法：
循民事入稟法庭訴訟，如果得直，欠債人仲要負責俾埋你份堂費。不過如果冇得還被判監，原告要俾伙食費。
收數公司代收，但除了要俾費用外，還要俾收到欠債的一個百份率給收數公司。