弟弟簽睇樓紙及臨時買賣合約,但臨時買賣合約係我個名(我無簽名,佢地話屋企人簽都得喎, 仲串左我個名)...
睇樓只有弟弟父母, 到左驗樓當日我係第一次睇(第二天是交KEY日), 發現客房窗邊漏水,冷氣機又壞,廁制又壞(樓價己包括)…業主說當時你地睇唔到, 又無CHECK, 又無問, 現在追究無辦法, 地產又唔幫我地(最嬲佢講你買2手樓其實係買4幅牆),律師追唔到賠償,可以經小額錢債...,
但地產知我地第一次買樓, 咩都唔識, 又話做街坊生意, 諗住信晒佢地, 淨係識得叫我去借錢, 去律師攪野,去簽名, 當初睇樓完全無提點, 只希望促成生意…
現在家人要比多幾萬元去維修以上, 如果D野係爛係壞, 我即時減佢一些樓價,駛咩要佢D野) 我覺得地產做得唔好, 今次成交唔理想, 我無話唔比佣金, 只係叫佢減番小小姐…佢話上左公司會計部, 減唔到, 我唔比足1%佣金, 公司唔讓步, 會出信告我, 之後會釘契.
請問我可以點做... 唔該晒
房地產佣金
2008-03-08 8:21 pm
回答 (2)
2008-03-08 10:30 pm
✔ 最佳答案
我諗閣下應該好小上來睇呢個 yahoo 智識啦.. 其實之前有好多朋友仔都發生過以上問題, 我並不是偏幫 agent, 但是, 閣下亦應該為今次買樓事件負上小小責任..1. 屋企人睇同埋你睇, 其實站在地產立場, 睇過就是睇過, 概然是你買樓, 為何你不自己去看完才落訂?
2. 如果無講明, 買樓原則上係唔包括家俬是否可用, 所以如果買樓時講明係包家俬, 應該在臨約上寫清楚
3. 因為你買樓是買現狀, 如業主和地產說, 你當時沒有看清楚, 只要業主証明倒你買樓當時已經係壞, 就無得追究.
好啦, 反省完畢, 係時候要反擊啦!
跟據你比我的資料, 其實地產公司係違反左地產代理條例, 因為佢叫你屋企人代你簽合約, 其實如果無授權書, 咁樣做係唔可以的, 地產公司成日都會有一 d 聲明, 話某某人聲稱可以代表你去簽署某些合約, 其實呢 d 都係唔可以的, 只要你係無授權書 (唔一定要律師樓做, 一張普通紙, 白紙黑字授權也可以), 地產就違返地產代理條例, 不過你o個 d 地產可能唔係 d 大地產, 佢地可能連違規都唔知道, 你只要同佢地講資詢過律師, 話如果唔減就投訴地監局就 ok, 如果佢地真係唔減, 就去投訴地監局...
不過, 言歸正傳, 其實地產在呢個問題上其實真係無乜出錯, 除左授權書簽名, 唔通你地想買層樓, 佢地仲叫你諗清楚, 睇清楚先咩, 佢地係無責任提醒你嫁, 所以緊記下次買樓前, 做足資料搜集, 相信自己, 唔係叫你唔好信人, 不過做地產有邊個唔係為生意? 相信自己啦!
所以減唔減人地佣, 告唔告人地, 就睇你自己啦, 因為咁樣係一定告得入, 幫你做單個 agent 要停牌的..
參考: ^^
2008-03-09 11:50 am
唔想講太多,首先層樓你就一定要左,亦都追唔到前業主.
至於地產方面,你可以一毫子佣金都唔使比佢,點解???
第一,睇樓紙唔係你本人簽名,你冇簽個睇樓紙,即使臨約真係你簽名都唔使比佣,更何況,你連臨約都唔係你簽.
至於地產方面,你可以一毫子佣金都唔使比佢,點解???
第一,睇樓紙唔係你本人簽名,你冇簽個睇樓紙,即使臨約真係你簽名都唔使比佣,更何況,你連臨約都唔係你簽.
收錄日期: 2021-04-13 15:15:22
原文連結 [永久失效]:
https://hk.answers.yahoo.com/question/index?qid=20080308000051KK01029