用Asia Miles積分出機票

請放心,有了確認號碼就可以了.如果你不放心,可以到國泰網頁查看你的訂票記錄.你只要輸入你的亞洲萬里通號碼及密碼,然後登入,就可以看你的訂票記錄了.如果在記錄內,來回兩程機位狀況是顯示「確認」,就表示沒有問題了.

致電亞洲萬里通要花所多時間,最慘是不知要等多久!上網查記錄或者收到確認電郵已經可以了.請放心,我每年都會換台灣機票到台灣休息一下,都是透過網上處理的,非常方便.

但有幾點,你是要注意的.

1. 列印那份電郵
是因為某些地方,例如台灣的機場入境處要求你出示回程機票才讓你辦入境手續.因此那份電郵要跟身連護照和身份證等証件放在一起,切勿放入寄艙行李內.

2. 帶備你用來訂購這張機票的信用卡
雖然是免費機票,但你仍需付兩地的機場稅及其他雜費,你要帶備那張換領這張免費機票的信用卡,在機場check in時確認.

3. 檢查你的護照或其他証件
航空公司不會先檢查你的護照才讓的訂機票,但會在機場check in時檢查你的護照才讓你上機.

國泰訂票記錄:
http://www.cathaypacific.com/cpa/zh_HK/manageyourtrip/retrieveyourbooking

2008-03-10 14:08:54 補充：
你「要」帶備你用來訂購「這些」機票的信用卡
佢地認卡唔係認人,不過只是用來在check in時確認一下,有時會唔睇,但有備無患.

有關網上的訂票記錄
如果所有機票都係一齊買或者一齊換,你只要登入「訂票記錄」那個網頁,就可以看到所有同行者的訂票記錄了.

2008-03-10 14:09:13 補充：
放心啦!就算你打電話去問,個職員都係在電腦內找資料,然後答你既問題,同你自己上網睇係一樣既,只不過大家睇既板面不同,但資料來源都是一樣的.通常打電話去問,都是關乎一d網上做不到的事,例如改機票,訂來回程不同艙位的機票等.

記得在航機起飛前48小時內,到國泰網頁預早辦登機手續,選定座位.

網上預辦登機:
http://www.cathaypacific.com/icheckin2/forMLC.do?action=Checked&COUNTRY=HK&source=WEB&

我試過用mileage 換機票，但就唔係經網上預定，是經hotline。因為我唔清楚你所講嘅＜內容＞是什麼，我估電子機票至少會有ticket no。

我上個月找agent做booking，佢比我的電子機票也和我以前見的不同（有ticket no），我請佢幫我加asiamiles 嘅會員號碼，佢又話唔洗，又話冇問題去到機埸做就可以。我唔放心，所以咪打去Asiamiles問我的booking有沒有得賺mileage，佢一問我的姓名和航班就check 到有關來回的資料，所以我才比較放心。

如果你真係唔放心，再打電話去Asiamiles啦，我都試過真係要等好耐，但有少少分享，你可以試吓在早上熱線剛辦工時打，又或者可以試吓留言，因為以上兩個方法我都試過，打得到有人聽或佢哋會return call。

2008-03-08 17:04:49 補充：
我覺得另外個位朋友的資料都說得對呀，我都能理解你的心情，因為我係對電子科技唔了解的人，吓吓只係對住部電腦．．．

不過你唔好太膽心啦，會影響你旅遊的心情架，其實我今早回答你問題後都打過電話去熱線問嘢，當然唔係一次就有人對話，大約不斷打了15分鐘，要是你仍然很想有人對話，再試試啦。