請問恒生指數和恒生期貨指數有什麼互相影響?

(1)
恒生指數是用來反映市場的情況，指數升即市場看好後市，指數跌即市場不看好後市。
恒生指數期貨是用來對沖大戶股票的變動，大戶手持很多股票，如果要變成現金，股價就會跌。所以大戶就會用恒生指數期貨來賺錢。
基本上是無方法從恒生指數期貨的升趺取得市場未來走勢，因為恒生指數期貨是一個買升一個賣跌。即沒有大多的人的看法。
底水主要是因為恒生指數成份股的派息影響，在四點後，只有期貨市場買賣，所以這段時間的高水及底水是比較能反映期貨市場(不是現貨市場)對後市的看法。

(2)
期指結算日是在每月的最後的交易日之前的交易日，2008年3月的最後的交易日是3月31日，所以期指結算日是3月28日。因為期指是為大戶而設的，若大戶想在期貨市場賺，他們就會在現貨市場買入或賣出股票，試圖影響恒生指數，之前亦有提到，期貨是一買一賣，你是大戶他也是大戶，你可以用買入或賣出股票影響恒生指數，他亦可以。因此，在結算日恒生指數的變動會比較大，即大升或大跌。

其實首先要了解期指係乜.期指其實係一個合約,佢將恆生指數視為一種商品,而其價格就係恆生指數既點數.即月期指既意思就係係當月期指結算日,你可以按你買入期指當日既價格行使合約買入當日既恆生指數.咁點先可以賺到錢呢?就係要期指結算日當日既期指結算價比你既買入價為高.咁你買入既恆生指數期貨就可以以一個較高既價格賣出,從而賺取差價.
期指既價格如一般商品般按當時既供求情況波動.所謂高水(PREMIUM)/低水(DISCOUNT),意即當日期指價格比當日收市點數高(高水)/低(低水).由於期指反映未來指數既動向,故單從即月期指高/低水既情況就可以觀察到市場對後市既看法.高水即表示期指需求大,代表市場投資者看好後市,相反低水即表示期指需求下降,代表市場投資者看淡後市.
期指結算日, 如果當月尚有大量期指未平倉合約, 即表示好友同淡友雙方都束勢待發, 希望係結算日當日決一死戰, 導致期指結算日既市況會較為波動.

2008-03-08 21:50:33 補充：
略略評論一下樓下既答案:

恒生指數既然是反映即市的指標,如何可以用來反映市場對後市的看法呢?其實恆指對後市只有極端輕微既指標作用.

恒生指數期貨是用來對沖大戶股票的變動(可理解為股價下跌風險)?如果大戶真係持重貨,要對沖股價下跌風險,就必須要沽空期指...但係人都知道沽空期指係無限風險動作,大戶犯不著為左對沖一個普通風險而去投入一個無限風險;況且大戶有更安全既做法去做對沖,例如發行ELN;相信早排買左ELN而家係跌市被迫接貨既人好清楚係乜野一回事.

2008-03-08 21:50:42 補充：
其實剛剛相反,大戶係利用期指高槓桿既特性,以相對小量資金利用期指操控大量現貨從而操縱恆生指數.雖然話期指係一個買升一個買跌,但係都有邊邊多人買從而扯高/拉低期指現貨價導致高低水既出現.而期指係對將來恆生指數既一個期望既反映,所以期指高低水對後市有一定既指標作用.

2008-03-08 21:54:28 補充：
上面"沽空期指", 應為"沽期指"... SORRY, 打慣手勢