深圳係咪有條街專買汽車零件?

八卦二路同桃園路一帶，係羅湖同皇橫口岸打的過去約二十幾蚊，福田口岸打的過去約三十蚊，切記唔好下晝五六點過去，因為好塞車，我之前幾次都係咁，塞車跳錶成四十幾蚊。

基本上八卦二路同桃園路係一條直路，兩條路之間與紅岭北路成十字。

假設你響呢個十字路口，背向桃園路，面向八卦二路，左右為紅岭北路，八卦二路左手邊果堆可以唔洗行，因為無乜野睇，只係D車房，而右手邊果堆，路邊有D汽車精品店，內街為專買汽車零件同車房，基本上你行八卦二路只需行近紅岭北路果過半條街就夠，之後果半段八卦二路已經無呢方面既野。

而桃園路果邊，你可以行桃園路紅岭北路交界既奧特汽配城果堆，會多野睇D，奧特汽配城果堆地下有鈴、音響(唔建議買)、汽車精品店、汽車零件、車房、汽車內裝、.......，而奧特汽配城二樓就有幾間汽車精品店，價錢ok。

最後奧特汽配城對面有個大型二手車場，有興趣可以行下。

褔田區八卦二路，係羅湖商業城大約坐廿零蚊的士。