佢會鍾意我嗎?

我鍾意左自己同班既男仔,,
佢只會同d熟既男仔多講野同玩得癲d~
平時對其他人都比較靜

我同我幾個朋友都經常係班上周圍玩,
之後我其中一個朋友成日聊佢玩
佢雖然會笑哂口,但佢表現得好抗拒同好怕羞
其實佢係到諗咩?點解會甘?

唔知係咪我既錯覺,佢有幾次同我講野既時候耳仔都會紅,but face就冇面紅,只係耳仔紅!!!!同埋我好似睇到佢隻手係到震,感覺比我佢好似好緊張~

我幾乎每次同佢講d無聊野,佢都會笑笑口(唔係大笑,只係露牙微笑)
但之前佢坐我後面,我同隔離同學係到傾計
有幾次佢會冇啦啦係到窒我,then我會話佢同打佢
不過佢好似冇咩野,只係當我同佢玩下,,又係笑笑口~淨係話好痛
(我未聽過佢窒其他女仔,因為佢好少主動同女仔傾計,即使有講不過都係幾句)

另外,依家我地掉左位,佢坐左邊既前面,我同佢距離都隔好遠
但係佢有時會冇意望過我個邊(少數)


佢個頭唔會轉過黎我個面,但佢成日隻眼珠斜視望黎我個邊(因為我留意到)
佢咁樣係咪怕人地會知道佢望過黎?

另外,我經常扮唔係望唔住佢,望其他人,,,我怕因為係我望住佢所以佢先望返我~
之後我見到佢視線有幾次都淨係望住我一個,,佢冇可能覺得我望住我,因為我次次望人都係掃過去,so,佢應該唔會發現~

不過佢有時望都望唔會望我,但有時又好似成日望住我甘
我試過同佢有眼神接觸,但我唔知佢對我既眼神有冇閃避
雖然有次,佢望我,我望返佢,佢就望其他人,咁樣係咪好正常?

佢甘樣會唔會對我有少少好感?
我點先可以知佢對我眼神有冇閃避?

佢對我同其他女仔好似冇咩分別~
只係之前有時會窒下我~

我點樣可以係msn同佢打開第一個話題?
我從來都冇係msn 同佢傾過計嫁!!