✔ 最佳答案
有冇第隻鼠同一籠?鼠鼠行路有冇問題?個頭會唔會側埋一邊?成隻變晒紅色定係點?好紅?耳仔有冇少左一部份?定係會唔會耳仔多左D野?鼠鼠身體有冇甩毛?
暫時資料睇我覺我有以下既可能:
A.外傷
如果有第隻鼠,可能會係打傷,又或籠入面有野整傷鼠鼠,耳仔血管唔多,所以傷到耳仔都唔會點流血OR紅,甚至打到耳仔冇左一部份都可能冇事,但最怕係細菌感染
處理方法:
1)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重
2)如有第隻鼠,冇受傷既鼠,都必須要仔細檢查一下真係有冇受傷
3)如有第隻鼠,佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
4)保持個籠乾爽清潔,避免細菌感染
5)唔好俾風直接吹到鼠鼠,要鼠鼠保持溫暖
6)因為係耳仔,唔可以用外用藥,如果有內服既"外傷素"就可以俾鼠鼠飲住先,但嚴重既話就要要盡快睇醫生
B.細菌感染
如果冇第隻鼠同一籠,又冇外傷,就可能係被細菌感染行路會側
耳內既問題一定要睇醫生處理,同時留意返A1-5既處理方法
C.耳附近生粒粒OR身上有甩毛
檢查一下耳仔附近會生粒粒,又或身上有甩毛既問題,兩樣鼠鼠都會因感到唔舒服而攪,攪得多就會紅,又或因皮膚病OR腫瘤在呢個位而發紅
如果有大量地方甩毛,皮膚又紅既話,就可能係過敏
處理方法:
1)生粒及過敏都需要盡快睇醫生處理,過敏既話,嚴重係會致命
2)有第隻鼠既話要分籠,避免傳染細菌or第隻鼠乘機打病既鼠(不過鼠鼠其實係獨居動物,分開住會好d)
3)唔好用有色or有味既木糠or沖涼粉,因為呢d都好易令鼠鼠皮膚敏感
4)似有過敏既話停用現有既墊材,暫用廚房用既紙巾,整碎俾鼠鼠用
5)仔細檢查鼠鼠既食物,會唔會有寄生物,有時有既話未必咁易睇到,呢d寄生物都會令鼠鼠甩毛既
6)唔好俾零食俾鼠鼠食,戒下口先.可以試下俾d麥片or白麵包佢
7)保持環境乾爽清潔,避免有更多細菌再令鼠鼠受感染
8)唔好俾風直接吹到鼠鼠,要鼠鼠保持溫暖
9)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
10)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
D.帶鼠鼠睇醫生可參考以下資料:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030地址:大圍積信街75號地下
http://www.taiwaiexotic.com/
旺角動物診所 - 梁醫生
九龍窩打老道66號A地下
電話 : 2760-1026
平d可以睇愛護動物協會,但做手術OR嚴重既話,都可能會叫你睇大圍,因為設備不足,加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
2008-03-08 17:59:49 補充：
耳背既毛係比較少既,耳內有濕濕地既情況似係發炎,行路冇問題就未去到好嚴重,因為怕細菌感染惡化得快,又冇藥買得到,所以最好睇下醫生,唔係惡化先處理就遲了
留意返要保持籠乾爽清潔,同鼠鼠沖涼時小心唔好俾沖涼粉入到隻耳,唔好俾風直接吹到鼠鼠,要鼠鼠保持溫暖,多加留意鼠鼠既身體變化同活動能力
2008-03-09 15:33:34 補充：
冇藥買得到,最好就唔好去鼠店問有咩藥合用,因為如果鼠店冇藥,可以會胡亂叫你買藥,都有網友反映返,有骨折去鼠店,買左皮膚病藥水返唻
睇醫生既資料可參考以下我回答既知識:
http://hk.knowledge.yahoo.com/question/?qid=7007091500003
點醫就睇返醫生點決定,如果冇其他問題,耳既細菌感染大多會俾抗生素,如果係抗生素既話,記得一定要食晒d藥,同埋唔可以中斷,要連住食
