✔ 最佳答案
叫你唔好拍拖o個d人都係父母輩, 佢地講d咩你當無聽/睇過得架啦~~
我想問, 你鍾意個女仔個樣及身材外貌生得如何？如果係超靚, 唔該放棄, 朋友都做唔到的, 如果只不過係一般，即係唔係全班既男同學焦點, 咁你不妨試下睇下同唔同到佢做朋友。
首先，佢話得你樣衰, 咁你就應該真係去照下塊鏡，睇清楚自己既外表係咪真係咁醜。
如果係肥既, 唔該多做運動減減佢, 瘦既, 就食多碗飯勤做掌上壓之類既練大隻d。
再來，男仔黎講髮型好重要，如果屋企唔係好窮，有多餘零用錢(或者食平野儲d錢)，去一間好少少既髮型屋剪頭髮，或者去屈臣氏/萬寧/卓悅等買樽髮蠟/髮泥攪靚個頭。仲有，如果係近視既配副靚/型d既眼鏡。
然後個人衞生對女仔黎講好重要：指甲不能「裙黑邊」、身體不能發臭、校服要潔淨、長褲一定不能吊腳過短、鼻毛外露的話要剪……男仔都要識得打扮，如果你天生無美感既話，就留意多d電視電影明星既打扮穿着髮型，睇下邊d襯自己，即使唔靚仔，打扮追得上潮流的話會加分的。
再來，外型有進步的話自信心都會增加，要改變自己怕羞既性格，女仔唔鍾意男仔成日唔出聲縮埋一二角稍為比人話兩句就面紅既，要學得大膽d面皮厚d，要學識唔知醜唔怕比人串唔怕「瘀」。
即係外向一d, 留意下有咩課外活動，多d參加，主動d。
仲有真係千其唔好再跟蹤個女仔，你咁做人地會認為你係一個變態心理有問題既人，佢驚左你既話一定連朋友唔會同你做！！
要試下唔好成日望個女仔，要同自己講，你有野同佢講先至可以望佢，如果無野講，就減少望既次數，集中下提升自己既自信心及社交圈子先啦！！
最後要做既就係留意個女仔鍾意d咩，如果佢鍾意某一種運動，你就自己都玩，仲要努力玩得好叻！如果佢鍾意唱k，你就多d上網或聽收音機，留意下流行d咩歌，自己都學下唱，如果佢有偶像，就搵多d那位偶像既資料同娛樂新聞。做朋友既話首先要講到野，大家有共同話題傾得埋，所以如果佢鍾意d咩你都無留意又乜都唔知，你地連野都講唔到又點能夠做到朋友？？(再來可以睇下女仔用咩牌子既筆/筆袋/盒/書包，知道下佢鍾意d咩牌子及公仔玩具等等)
其實你地返學路線一樣，即係有機會成日見面，要做朋友唔難架！只要肯作出改變，以及用心做足準備功夫就一定得！
如果你維持宜家咁既樣一成不變，咁就無人可以幫到你。
