街邊的咖哩魚蛋豬皮蘿蔔點整??

咖哩魚蛋



炸魚旦 2 斤

材料(十人份量) :

紅頭 1 粒(切碎)

蒜茸 2 湯匙

水 2 杯/ 500 毫升

紅咖哩槳 2 湯匙

咖哩魚粉 1包 (25克)

胡椒粉 少許

鹽 少許

糖 少許

製作過程 :

1. 紅咖哩槳、咖哩魚粉用半杯開水調稀，備用。

2. 燒紅鍋，炒香紅頭及蒜茸，加入咖哩水炒分鐘，放入魚旦炒，把水加入鍋中再炒多分鐘，蓋好鍋焗至略為收水。最後加入糖、鹽、胡椒粉 調味，即成美味咖哩魚旦。
齊齊煮豬皮蘿蔔:
預備功夫：
＞白蘿蔔去皮切塊，用糖水（水剛蓋過蘿蔔就夠，下兩茶匙糖）煮至半透明即可撈起備用, 煮過蘿蔔的水亦留起備用.
＞買處理好的即食豬皮（超市或豆腐檔有售，我係惠康買的），用水浸一會，可換多一兩次水，將豬皮切成小塊或幼條，燒熱油，以薑蒜爆炒(參考過其他blog, 有建議用薑葱汆水, 作用都係令其軟身和闢味)一下備用．
炆的步驟：
＞麵豉醬（係雜貨店買，兩蚊一小包）,蒜片,薑片落鑊爆香, 下蘿蔔豬皮炒勻, 此時倒入煮過蘿蔔的水(不用太多,約浸住大部份蘿蔔已夠),蓋上鑊蓋炆煮約數分鐘,揭蓋下其他材料(如魚旦,墨丸,雲耳之類, 蟹柳最快熟, 可最後才落), 落適量蠔油,糖, 生抽調味, 再蓋上蓋炆多一會, 最後贊酒, 落葱段,焗多陣便可上碟.