有關唱歌既問題

我而家0係美國係一個音樂劇演員, 都叫做學過唱歌, 而家都有part-time教下人唱歌. 0係呢個版要答得清楚就真係幾有難度, 不過我都可以俾D貼士你.

1. 控制丹田那方面, 有唔少人以為將D氣頂入個肺裡面, 收腹就係吸一大淡氣, 那是絕對錯誤的. 不過有個更容易的方法, 當你吸氣的時候, 腰部左右兩邊的肌肉用力向外礦張, 0甘樣做, 小腹同時就會自然0甘膨脹, 同時感覺到你的氣會流落到"丹田"的位置. 當你要較用力唱的時候, 可以0係橫隔膜的附近位置向外加少少力, 喉嚨位置的肌肉就儘量有幾放鬆得幾放鬆, 0甘樣既話你的喉結就唔會拉上太高的位置, 但同時都能發出有美感的音色. 所謂"壓住個喉嚨唱"就係指唱歌(尤其是高音)的時候喉結拉得太高, D聲音好似逼極到逼唔出0甘. 最好的丹田運用練習方法就係從說話練起, 說話的時候都用丹田呼吸發聲. 0甘樣平時就已經能夠保護你的喉嚨, 還有你就係幾乎每天十幾個鐘都在練習, 進度都快D, 而且你說話的聲音會漂亮D, 唱起歌黎都有幫助. (唔知你覺唔覺, 唱歌好既人如張學友, 羅文, 杜麗莎呢D平時說話的聲音都比一般人漂亮的, 那個就是箇中竅門).

2. 吸氣就剛回答了, 你唱緊的時候就即係呼氣. 那時你就儘量控制腰部左右兩邊肌肉, 等它們收縮得有幾慢得幾慢. 0甘樣的意思就即係你吸左入黎的氣以一個好慢的速度流走, 唔會0甘快就無氣.

3. 呢個視乎你那個假音的音調去到幾高, 或者首歌的設計而定. 如果那個假音位不是很高音的時候, 你可以用真音同假音混合使用, 0甘樣聽出黎有假音的柔和還有真音的厚音色, 跟一般的真音一齊唱, 就唔會好似突然去假音"無左聲" 0甘. 如果那個係很高音的, 你可以0係臨上那個音之前就已經用定"真假混合", 0甘聽落都會順D.

至於假音的發聲方法, 呼吸那方面跟真音是一樣的, 不過就感覺上唔會用盡所有的氣去發聲. 喉頭同時會感覺上比唱真音時收緊一D, 同埋頭部共鳴會多一D. 好似日本歌手玉置浩二般, 他就係用真假聲混合的表表者. 不過都係如另一位朋友講, 練好基本發聲再練假音都唔遲.

4. 激昂位係比假音更高難度的唱法, 而且用聲不當很容易傷. 跟音域有少少關係啦, 但係最重要既係未打好基本呼吸和發聲的根底. 其實唱歌的原理和跟吹筒樂很相似的, 你要吹出黎的聲音清脆, 有質感, 有力, 就一定要用氣用得好.

5. 首先做基本呼吸和發聲練習, 增加左原有音域的厚度先, 同埋練到你唱歌時的呼吸變成反射動作. 當你原有音域已經能做到音色好了, 自然可以試試唱低D, 或者唱高D. 不過記住都係用番練過的呼吸和發聲去做. 尤其練高音時千萬唔好亂叫. 仲有練聲時, 唔好偏向音量大的方向練, 要向"音色"的方向. 儘量"不強, 不弱". 選歌曲練習的時候, 最好先選音域不大和較短的歌曲.

最好當然係搵個老師教, 因為他可以keep track住你有無用錯方法發聲, 同埋他可以根據你的聲音條件和問題, 俾D適合你的練習去練.

我呢度有兩個自己錄的錄音, 音質就唔係好好, 但係應該可以俾你聽下當聲音練到有0甘上下的時候音色會係點:

恭祝你福壽與天齊 (唔好看小呢首野, 你能把他唱得出色既話, 你唱好多歌都掂): http://www.yyfc.com/play.aspx?reg_id=1256307&song_id=1599087

You Raise Me Up: http://www.yyfc.com/play.aspx?reg_id=1256307&song_id=1599184

1. 氣入丹田之後係要用力頂實小腹，而唔係收

2. 唔可能keep住同一形狀o架啵，吸氣入丹田肚會脹，唱歌時用左d氣就好自然會細左，最緊要係小腹用力要有support，你唱出黎先唔會咁虛、飄浮不定

3. 我諗最緊要唔好特登要唱真音或者假音，如果你都唱得咁特登，你又點會唱得投入自然？最緊要都係練好氣先

4. 同音域有關，激昂位高音o既話你又唱唔到高音當然唱唔到；但當然你唔夠氣o既都一樣唱唔到，唔夠氣又點會唱得響、激動？

5. 練，好似唱choir開聲咁，一路咁練上去或者練落去