生完之後唔坐月?

其實都無話坐唔坐月既, 不過生完身體就會弱D! 我坐月個陣都周圍走啦, 又落下街, 行下公園, 得閒上下網, 生左唔夠十日就洗頭, 一生完就去沖涼咁囉, 都無話好特別坐月! 不過最好就唔好俾自己病! 少少傷風感冒都唔好. 我生個陣訓我隔離床個女人話佢就係生第一胎時小心過頭, 大熱天時又話唔吹得風又話唔準開冷氣風扇, 結果焗病左, 之後孱弱不愖! 到宜家陀第二個 , 三個月就要入院休養!

所以所謂坐月, 其實係叫你好好休息, 令孱弱既身體變番強壯!

我自己就日日飲維XC (無咁易傷風感冒, 我諗其實食生果可能會好D添, 不過D老人家日日昅住, 無咁易食到咋!), 唔好咁粗勞, 可以既話叫人揍住阿B 先, 因為一出世大概三個鐘食一次奶, 食一次又食成個鐘, 咁如果係你自己揍哂既, 邊有時間訓下, 休息下呢? 仲有可以食下紅棗水, 雞精, 飲下雞酒, 不過如果係岩岩食完呢D就咪喂人奶住, 會有陣味, BB唔鐘意架(你可以閒泵定D奶放係雪櫃, 有定D存貨, BB想幾時食都得啦!)

仲有個D薑醋, 唔好話生完就食, 因為其實無乜營養, 反而入面鬼咁多豬油, 食到鬼咁肥就真! 我有個朋友聽佢媽話, 一生完係咁食, 又醋撈飯, 肥到....嚇死人!

仲有我自己日日都食煲仔飯, 一D都唔會燥, 我自己覺得幾好, 食左個身暖D, 唔知係咪心理作用! 我個朋友就是旦用番飯煲煲飯, 結果佢好孱!

總之你小心D, 唔好病, 咪粗勞, 就無乜野咖啦!

我的經驗是：有一次因為ＢＢ換了尿片後，急吵嚷要吃奶，我心急沒等熱水出來，便用冷水洗手，即時骨痛知道中招，結果現時手指偶然會有關節痛。

hi ~ 我生完bb之後我冇咩話正式坐月 ... 我都只係等傷口好番就開始出街 ... 有時去健康院 ... 我坐月時一星期沖一次涼 ... 又日日同bb沖 ... 我都冇咩點理中國神話 ... 有d人話坐月可以食d咩唔可以食d咩 ... 但我食得都放入口 ... (我開頭餵人奶，個陣時就食得少d) ... 基本上我都冇咩理會過個d習俗 !


我而家咪好地地 ... 我而家同以前一樣 ... 成日走黎走去 !

個(鬼婆,)外國女人冇坐月咁一回事既,
但係佢哋日日都飲牛奶,食蛋,肉類就更多,有這几樣就夠啦,所以她們大隻過中國女人好多.
中國人坐月是因為平時食五穀,農村女人又要落田,風又大,慢慢傳下來的風俗,練武功的女人生完好快就開始練功,身體都好好!
最緊要自己保護好自己!

你好。

生完之後唔坐月嘅後果可以好大架, 一定有D對身體唔好既地方, 有兩個例子：
1) 自己舅母經驗 -- 她一向比較西化, 但始於係中國人生育, 佢就無聽我婆婆既話, 好好坐月, 兼守坐月特定規則, 產後時時見頭暈, 又好倦, 簡直同之前判若兩人, 無晒活力啊。
2) 電視人李琳琳 -- 聽聞佢都係坐月不佳, 導致脊骨歪斜, 最後唯有做高齡產婦, 生左個仔, 好好調理, 而家先好番咋。

既然坐月都只係用一個月時間, 懷胎都用左十個月啦, 唔慳得, 點解唔好好趁機調養下身子, 日後對你同小朋友都有莫大好處架。

謝謝。

要坐月的,因你生完要調理身體, 不可吹風!

不可不理, 以後你就知手尾多,
好似腰骨成日好痛, 小小都會大病

我朋友的姐姐便是,