點可以調較相片的容量大小而不影響其質素

要減小相片檔案大小又唔影響質素係冇可能的,只可以分點樣影響法,明唔明顯.
除咗降低解像度之外,其實仲有一個叫做壓縮率的數值可以控制檔案的大小.Photoshop或一些影像編輯軟件在另存新檔時都可以選擇壓縮率,只要選擇低小小,己經可以好有效咁降低檔案大小,但係又唔影響解像度的.
但係唔見咗既資料就係唔見咗,冇話可以馬兒好又唔駛食草,軟件實際係會首先減小顏色的數量.例如一個漸變有五個深淺不同的藍色,就會得翻兩種甚至一種,在一張色彩斑爛的照片實際上唔係好覺的.但去到一些大面積漸變色時就有機會變到一層層咁.不過都講緊壓縮率好勁先會.如果1600 x 1480應該都OK的.
街外晒相係用300dpi的,4R的話呎吋是6" x 4",即係1800 x 1200解像度就最靚.解像度再大張相都係唔會靚咗的,唔好誤會像素越多就越靚.你可以調較到呢個解像度.
其實除咗用軟件搞之外,影相時在相機設定較細壓縮率也是可以的,唔好下下用精細,試下用標準或者經濟咁檔案就會細好多.
其實而家電腦硬碟都唔係咁貴,冇乜必要將檔案變到咁細啦.

2008-03-09 08:36:37 補充：
我回答問題之前都首先做咗一張約100K既1800 x 1200相(用300dpi晒4R的解像度),我會話都OK啦.不如正如我之前講,電腦硬碟都唔係咁貴,冇必要就唔好搞到啲相咁細.
我相信先唔可以假設有無限資源,冇錯下下用最大像素,最低壓縮率係最穏陣,但係就會多佔硬碟或記憶卡空間而最終係完全冇需要的.現在的數碼相機動輒800萬像素,比起200萬像素所佔空間係4倍.明明可以在電腦放多4倍相又load得快,冇必要因為買保險犠牲咁多.
Tiff同低壓縮Jpeg效果差不多但檔案會大幾倍,對要減小資源消耗的原意反其道而行,而且大部份晒相店都唔收的.如果你的相機有raw的話,還是用raw轉Jpeg比較合理.

600k and 100k 的相，大概只能只能用作網上觀看。

方法就只有將1600*1480 的大小調教，和壓縮比。

如想拿出去晒 4R的相，用你相機最高的解像度就是了，無雖作不必要的調整。

有聽聞用TIFF格式**會比JPEG好，但我自已就未試過，而香港就只有少數晒TIFF的店鋪。

**TIFF格式的相要預先做成 6"x4" 的size