點樣可以做一個稱職ge女朋友????????

首先要先了解到對方個目的
個人認為,其實網上都有真愛(我就係咁而結婚)
但係你要小心去判斷對方個意圖
咁你對佢認識有幾深?
你真係要搞清楚先

講返正題,點做人女友呢
其實每個人個要求都唔同,好難一概而論
但我覺得可以好簡單,就係真心愛對方
愛對方,自然會對佢好.
當然,有d o野唔好做囉
例如,唔好強迫對方要求無時無刻都向你報告行蹤
或者唔好成日問對方o係邊度
要俾對方留返d私人空間

你愛對方,自然會為對方設想,做o既事都為佢好
不過,佢會唔會了解呢?
可能佢唔受你o個套o架喎
所以你就要同佢坦白,多d溝通
講出心底個感受,希望佢明白你係為佢好
如果大家都收埋收埋,就好難相處o架啦

此外,唔好迫對方做一d佢唔鍾意or好為意o既事
哩個就係基本,我相信你都唔鍾意對方咁迫你啦,係咪?

除o左對佢好,重要對佢身邊o既人好,包括家人同朋友
如果佢同家人或朋友關係唔好
你就要努力去鼓勵男友同家人或朋友修復關係
因為咁都係對佢好

還有,要有一定o既主見
可能對方好想遷就你,所以耐唔耐都問你意見
例如出街會問你想食乜呀
你千祈唔好答"是但啦",咁對方反而唔知點做好
特別係最初一齊o既時候千祈唔好咁答
唔係對方冇主見,而係對方都想你feel到佢care你
而且初初一齊,佢又點知你o既喜好呢

記住,要甘苦與共
如果大家都重讀緊書o既,唔好只係掛住拍拖
到時大家一齊溫書囉
其實個人認為,次次拍拖都出街吃喝玩樂
一來浪費金錢,二來做o既事都千篇一律
不如偶爾一齊溫書,都係一個幾特別o既相處形式o丫

唔好信網入面o既任何說話或者承諾 …
o個個係虛擬o既 game 世界， 所有野都o係遊戲性質， 當真就衰硬o架啦 ~
新聞都有講啦 ！！ 唔好樁個頭埋去 ~

點做一個稱職o既女朋友， o甘就要睇妳個 boy friend o係邊類人， 然後投其所好啦 ！

通常都係希望女朋友 ︰
☞ 唔好成日 call 佢、 煩佢、 問長問短、 多多要求；
☞ 比多o的私人空間同自由佢；
☞ 唔好成日叫佢送野、 應酬埋o的無聊人， 包括女友o既家人；
☞ 又靚又叻， 能文能武、 又大方又豁達、 又玩得又專一；
☞ 隻眼開隻眼閉， 適當時候仲要又蠢又啞；
☞ 大把錢、 係有修養， 唔會失禮人o既大家閏秀；

☞ 永遠當佢係神o甘拜， 唔會逆佢意思， 只會無條件o甘支持佢；
☞ 唔干涉佢o既社交圈子， 包括佢o既紅顏知己、 女助手；
☞ 做佢o既阿四， 執頭執尾， 但唔會改變佢o既風格；
☞ 做佢o既洩慾工具， 但有麻煩o既時候， 自己搞掂唔好煩佢；
☞ 唔好逼佢結婚， 除非佢提出；

☞ 覺得佢o係任何方面都係天下第一， 無人夠佢叻；
☞ 聽完上便o既要求後， 唔會叫佢搵盆水照下自己個樣先 ~

傻啦...有邊個識做人女朋友?

學囉~~同埋呢D睇對方性格既o者~
A鍾意文戲;B鍾意武打...你文靜既,可以係A既好女友,而係B既大悶蛋...
你想稱職,都要睇對方要求...你鍾意一個男仔...佢識你個零兩個月就要你上床,XX(英文),XX(數字)...你就佢,你稱職,但係唔合理囉...
不過我個人絕對不同意網上識男仔就拍......
分分鐘一對情侶,要相處結婚先知唔夾...就單憑上網一兩個月,計埋都得o個720鐘非正式相處(以兩個月每日12小時全網上齋Chat...)就想同你拍拖...唔係唔得...危囉...你淨係搵下Yahoo知識,得閒就一兩個開題搵12-14歲女仔(更甚既就搵性伴!...)...D傻人就趕唔切咁就留晒聯絡...
冇一門專業係教做人女朋友既...女朋友又唔係職業...夾一個好男仔先慢慢學啦~