嫁咗佢之後嚟到呢個新環境

結婚第1年應該會好 sweet sweet. 我都係新婚啦.. 結左婚1年多d. 你個 case 係特別d, 其實你衣家移左去邊? 因為你要等居留, 又咁啱有左, 所以先會覺得被困啫. 其實一個人係屋企都會有好多野做 (suppose 你同你老公兩個人住). 我自己結婚前都試過冇做野係屋企半年, 我日日都會上下綱打下機, 同埋我好鐘意整野食, 我就日日都攪d新奇, 自創既野搵我老公試.... (放心佢衣家都仲生勾勾). 你衣家有左幾多個月? 如果未係就生得果隻, 你可以係屋企搵d家務做下, 當做運動. 冇朋友.. 可以去識下d新朋友囉... 千祈唔好覺得有bb會變成你既負擔.. 有bb係一件好開心既事, 應該開心至係. 雖然你會需要有好多犧牲, 但係為左你同你老公既結晶, 係咪值得呢? 其實我好羡慕你可以有bb, 因為我自己本身有病, 我唔敢生, 所以希望你會珍惜, 好好愛護自己同個bb. 希望你會開開心心啦.

我同你一樣嫁咗去外國唔夠一年, 一樣等緊居留, 但就未大肚 ,
我都係日日一個人喺屋企度。冇朋友冇屋企人冇工做, 但我就唔太怕悶。 因為我知日日要返工仲悶, 依家可以他他條條在家 plan 下將來有小朋友要點教, 點安排一家的生活 ,培養下一d對身心都有益的興趣, 做下運動, 等第時要生bb時身體都強壯d, 其實只要你平靜d positive d 咁諗諗 一定會揾到d野去kill time 。
生完之後會有好多野要你去做去安排, 到時又會係另一個新開始, 小朋友好需要媽咪係身邊 , 你可以趁現在PLAN 下 點湊點教, 到小朋友大個d 你可以揾分part time 幫下老公, 當然, 你越快做工, 經濟上係可以幫到你老公, 但你幫他照顧ｂｂ, 打理頭家, 一樣係幫到他！最緊要你地有共識, 邊個出去捱, 邊個睇住頭家 。
同你老公傾下你既感受, 自己日日一個人左諗右諗會越來越灰的。
希望你快快做回一個快樂的 future mom!

而家個肚咁大, 又唔可以太過周圍行, 你先覺得悶啫, 到BB出左, 你到時忙到連訓覺都冇時間啦!!! 同埋你老公一個人搵, 三個人食, 佢咪仲慘過你, 不如用多出嚟時間, 學下煮飯, 等佢返嚟有喲家庭溫暖麻.....

恭喜你 ! 最緊要你有無同老公傾過呢個問題,佢有咩意見呀! 你覺得佢好辛苦,為左你同bb可能佢覺得值得! 你e家多d休息同開心d,可以去社區中心上興趣班,廣闊圈子識多d人,同人傾訴,新環境一定要識應,有d人好快有d人好慢.我想你是比較慢d 嘅人. 只要你肯踏出第一步無嘢難到你.比d時間自己.你唔可以淨係想自己,你要想邊到對bb好d.

bb出世後你會好忙,到時你就唔會覺得悶.唔好話覺得肚係大錯咗,綁住你.無人要你大肚, 你自己唔小心.已經係事實,要勇敢面對 !