✔ 最佳答案
你而家用緊咩單車呢?MTB 定係 RB?如果前者,我唸就難D。
另外,你想踩去另一個CITY,咁你身在何方呢?香港?
我本人身在英國,用RB(ROAD BIKE)。平均時速有15英里(大約30公里)
曾經試過一日踩101英里(大約160公里)。用左7-8小時。
如果你用越野單車,一日踩咁遠就比較難。因為車身較重,齒輪比例
又冇公路單車咁大。就算得,我唸都要10小時先至踩到173公里。
2008-03-09 09:39:37 補充:
如果你有兩日時間去玩,呢個行程都好容易既。
不過如果你想一日玩哂一來一回,時間方面要好好掌握喎!
你日常都有踩長途車的話,應該都唔難。其實網友「阿pe」都講得好詳細了。
除左身體負荷要留意,天氣都好緊要,例如日出日落時間、風速等等,路面smooth既
程度、上山多定係落山多都要留意。如果可以,盡可能計劃兩條路線,去個陣可以
辛苦少少(因為仲未死得)回程就計劃另一條比較平坦少上落既路段,繞路多少少
唔係問題,回程個陣避免過份消耗體力。
2008-03-09 09:39:45 補充:
記得出發前、休息後,拉鬆腳根再踩....否則離抽根不遠爾~~~
踩個陣要定時飲水,唔好想飲個陣先至飲,偶爾一少口咁飲最好。
至於gear方面,我都唔算好熟,但以你所講,你部車就真係「窄」左少少。
理論上,你用前2後2去踩用均速都可以,踩順左再轉後3。
踩長途講韌力,爆車冇用!!!點辛苦都好,老虎蟹都要留番D力。
個人經驗,有好幾次踩長途,都有突發事件,就係個下爆車走人(尤其JUNCTION位)
,走遲D都冇命。
祝你旅途愉快、小心駕駛!!!